سڵاو،
ئێستا یه‌كه‌م هه‌نگاوی زیندوو كردنه‌وه‌ی گرووپی وه‌رگێڕانی وێبچن ده‌ستی پێكردووه‌، له‌ ڕێی ئه‌م په‌یامه‌وه‌ ڕاده‌گه‌یه‌نین و تكا له‌و ئه‌ندامانه‌ ده‌كه‌ین كه‌ ئه‌و تایبه‌تمه‌ندییانه‌ی خواره‌وه‌ له‌ خۆیاندا ده‌بینن داواكاری خۆیان بۆ بوون له‌ ئه‌ندام له‌ گرووپی وه‌رگێڕان دا بنێرن.

١، ده‌بێ ئه‌ندامی وێبچن بیت.
٢، ده‌بێ له‌ زمانی ئینگلیزی نووسراو به‌ ته‌واوی و بێ كێشه‌ تێبگه‌یت و كێشه‌ی خوێندنه‌وه‌ت نه‌بێت.
٣، ده‌بێ بتوانی به‌بێ هیچ دژوارییه‌ك زمانی كوردی سۆرانی، خوێندن و نووسین به‌كار ببه‌یت.
٤، ده‌بێ فه‌رهه‌نگی ته‌كنه‌لۆژیای زانستپه‌روه‌رانی كورد وه‌ك یه‌كه‌مین سه‌رچاوه‌ به‌كار ببه‌یت بۆ به‌ كوردی كردنی وشه‌كان.


تكایه‌ ئه‌مانه‌ش بزانه‌،
١، كاره‌كانی گرووپی وه‌رگێڕان له‌ چوارچێوه‌ی وه‌رگێڕانی سكریپت دا سنووردار نابێت، به‌ڵكوو پرۆژه‌ی گه‌وره‌تر و جیاوازتر له‌ خۆ ده‌گرێت.
٢، هه‌موو كاره‌كانی ئه‌و گرووپه‌ له‌ ژێر ناوی گرووپی وه‌رگێڕانی وێبچن بڵاو ده‌كرێنه‌وه‌، ناوی تاكه‌كه‌سی نابێت بوونی هه‌بێت.
٣، هه‌موو كاره‌كانی گرووپی وه‌رگێڕانی وێبچن ده‌بێ له‌سه‌ر بنه‌مای كاری كراوه‌ و به‌بێ به‌رانبه‌ر جێبه‌جێ بكرێن و بڵاو بكرێنه‌وه‌.

ئه‌گه‌ر خاڵه‌كانی سه‌ره‌وه‌ په‌سه‌ند ده‌كه‌یت، تكایه‌ په‌یامێك بنووسه‌ بۆ info@webchin.org و له‌ سه‌ردێڕه‌كه‌یدا واته‌ Subject بنووسه‌ "گرووپی وه‌رگێڕان".

سووپاس بۆ هه‌موو لایه‌ك و به‌ هیوای سوود گه‌یاندنی زۆرتر به‌ یه‌كتر.