سڵاو دووباره‌،

پێش هه‌موو شتێك به‌ ناوی خۆم و هاوڕێیانمه‌وه‌ له‌ به‌ڕێوه‌به‌ران و چاودێران له‌ وێبچن داوای لێبووردن له‌ هه‌موو ئه‌ندامان و میوانانی وێبچن ده‌كه‌ین بۆ ئه‌و وه‌ستانه‌ چه‌ند ڕۆژیه‌ی وێبچن.

وه‌ك ئاگادارن پێش ئه‌و وه‌ستانه‌ كۆمه‌ڵێك كێشه‌ هاته‌ پێش له‌ وێبچن له‌ بابه‌ت نووسین، ده‌ستكاری كردنی بابه‌ت و هتد... هۆكاری درووستبوونی ئه‌و كێشه‌یه‌ ده‌گه‌ڕایه‌وه‌ بۆ هه‌بوونی كێشه‌ی ته‌كنیكی له‌سه‌ر ئه‌و ڕاژه‌كاره‌ی كه‌ وێبچن ی له‌سه‌ر بوو. ده‌مێكه‌ بیرمان له‌وه‌ ده‌كرده‌وه‌ كه‌ وێبچن له‌سه‌ر ڕاژه‌كارێكی دیكه‌ دابنێین كه‌ خێراتر بێت و تا بكرێت Down Time ی نه‌بێت، به‌ڵام له‌به‌ر كه‌مكاتی و ته‌مه‌ڵی (من) ئه‌و كاره‌ جێبه‌جێ نه‌كرا.
له‌گه‌ڵ درووستبوونی ئه‌و كێشانه‌ ئیتر هاتینه‌ سه‌ر ئه‌و بڕوایه‌ی كه‌ پێویسته‌ شتێك جێبه‌جێ بكرێت، واته‌ وێبچن له‌ شوێنێك دابنرێت كه‌ بێ كێشه‌تر و به‌هێزتر بێت، هه‌ر بۆیه‌ پاش درووست بوونی كێشه‌كان ڕاسته‌وخۆ ده‌ستمان كرد به‌ گه‌ڕان به‌ دوای چاره‌سه‌ریه‌كی یه‌كجاریی و چاك بۆ وێبچن، له‌ كۆتاییدا ڕاژه‌كارێك له‌ كۆمپانیایه‌كی سویدی به‌ كرێ گیرا و وێبچنی له‌سه‌ر دانرا. هه‌روه‌ها زانیاریه‌كانی DNS نوێكرانه‌وه‌، وا چاوه‌ڕوان ده‌كرا كه‌ له‌ ماوه‌ی نێوان ٢٤ تا ٤٨ كاتژمێر وێبچن به‌بێ كێشه‌ بكرێته‌وه‌ و له‌ جاران باشتر په‌ره‌ به‌ كاره‌كانی بدات.

چه‌ند كاتژمێرێك پاش ئه‌و كاره‌ به‌داخه‌وه‌ ئه‌و ڕاژه‌كاره‌ی كه‌ وێبچن ی له‌سه‌ر بوو پێشتر (واته‌ ئه‌و ڕاژه‌كاره‌ی كه‌ له‌سه‌ره‌وه‌ ناوبراوه‌ و بوو به‌ هۆی ئه‌وه‌ی كه‌ له‌ وێبچن نه‌ده‌توانرا بابه‌تی نوێ بنووسرێت) سووكه‌ هاك كرا، كه‌ ٧١ ماڵپه‌ڕی كوردی له‌سه‌ر بوو هه‌ندێك له‌وانه‌ ماڵپه‌ڕی به‌ناوبانگ و چالاكی كوردی.
من (ئاسۆ نادری) وه‌ك كه‌سێك كه‌ زۆربه‌ی كاره‌كانی ئه‌و ڕاژه‌كاره‌م له‌سه‌ر شان بوو، ناچار كه‌وتم پاش ئه‌و ڕووداوه‌ هه‌موو كات و توانام بخه‌مه‌ گڕ بۆ ئاسایی كردنه‌وه‌ی دۆخی ڕاژه‌كار و ماڵپه‌ڕه‌ زیان پێگه‌شتووه‌كان (كه‌ ئێستاش هه‌ر به‌رده‌وامه‌)، له‌به‌ر ئه‌و هۆیه‌ كاری وێبچن به‌ ته‌واوی به‌لاوه‌ نرا و هه‌موو كات ته‌رخان كرا بۆ قه‌ره‌بوو كردنه‌وه‌ی ڕووداوی هاك كردن. وێبچن ده‌یتوانی ٣ ڕۆژ پێش ئێستا له‌ سه‌ر پێی خۆی بوه‌ستێته‌وه‌ و كاره‌كانی په‌ره‌ پێبدا، به‌ڵام له‌به‌ر ئه‌و هۆكاره‌ی كه‌ ناوم برد، دواخرا.

به‌ هه‌رحاڵ، ئه‌و وێبچن ـه‌ی كه‌ ئێستا گه‌ڕاوه‌ته‌وه‌ لاتان، وێبچنه‌كه‌ی جارانه‌ به‌ هه‌موو شێوه‌یه‌ك، ئه‌وه‌ی كه‌ جیاوازه‌ ئه‌وه‌یه‌ / هیوادارین كه‌ وابێت، ده‌بێ بێ كێشه‌ بێت، كاتی داكه‌وتنی نه‌بێت و له‌ سه‌رووی هه‌مووشه‌وه‌ خێرا بێت.

ئاگاداری ئه‌وه‌ین كه‌ به‌ به‌رده‌وامی سه‌ردانی ئێره‌تان كردووه‌ و خووله‌ك ژمێریتان كردووه‌ بۆ ئه‌وه‌ی وێبچن بكرێته‌وه‌، ئه‌و هه‌ڵوێسته‌تان به‌رز ده‌نرخێنین و دڵنیا بن له‌ هه‌وڵی ئه‌وه‌دا ده‌بین وێبچن بكه‌ینه‌ شوێنێك كه‌ به‌ هه‌موو مانایه‌كه‌وه‌ سوودی لێ ببینیت و له‌ ڕێگه‌یه‌وه‌ سوود به‌ هاوزمانانت بگه‌یه‌نیت.

تێبینی: تكایه‌ هه‌ر كێشه‌یه‌ك، كه‌م و كۆڕییه‌ك یان شتێكی نا ئاسایی دیكه‌ به‌دی ده‌كه‌یت له‌ وێبچن، به‌ زووترین كات ئاگادارمان بكه‌وه‌ بۆ ئه‌وه‌ی چاره‌سه‌ری بكه‌ین.

له‌گه‌ڵ ئه‌وه‌دا ده‌ستكاری كردنی بابه‌ت كراوه‌ته‌وه‌، تكامان ئه‌وه‌یه‌ هه‌موو ئه‌ندامێك له‌لایه‌ن خۆیه‌وه‌ گه‌ر ئه‌و پیته‌ به‌ خراپی ده‌بینی له‌ په‌یامێكی خۆیدا، چاكی بكات.

له‌وانه‌یه‌ ئاگاداری ئه‌وه‌ش بن كه‌ پیتی ف كێشه‌ی هه‌بوو له‌ په‌یامی تایبه‌ت دا، ئێستا ئه‌و كێشه‌یه‌ چاره‌سه‌ر كراوه‌ و پیته‌كه‌ به‌ بێ كێشه‌ ده‌رده‌كه‌وێت.

له‌گه‌ڵ ڕێزی به‌ڕێوه‌به‌ران و چاودێرانی وێبچن.