سڵاو،
دوێنێ وه‌شانی ١،٣ ی پرۆگرامۆكه‌ی PunBB به‌ ئاستی بێتا بڵاو كرایه‌وه‌،
http://punbb.org/forums/viewtopic.php?id=18151

ئه‌وه‌ی ئاماژه‌ی پێكراوه‌،

١، وه‌شانه‌كه‌ بێتایه‌ و بۆ ئه‌وه‌ نابێت كه‌ به‌ شێوه‌یه‌كی كراوه‌ به‌كاری ببه‌یت، واته‌ ئێستا مه‌كۆكانت نوێ مه‌كه‌وه‌ و ئه‌م وه‌شانه‌ به‌كار ببه‌یت.

٢، بڵاوكردنه‌وه‌ی ئه‌و وه‌شانه‌ بۆ دۆزینه‌وه‌ی هه‌ڵه‌كانیه‌تی و دواتر چاره‌سه‌ركردنی پێش بڵاوكردنه‌وه‌ی وه‌شانی كۆتایی و Stable.

٣، ده‌توانی بۆ مه‌به‌ستی تاقیكردنه‌وه‌ ئه‌م وه‌شانه‌ دابگریت و به‌كاری ببه‌یت، تكایه‌ هه‌ر هه‌ڵه‌ یان كێشه‌یه‌كت به‌دی كرد، له‌م بابه‌ته‌دا بینووسه‌ بۆ ئه‌وه‌ی هه‌موو هه‌ڵه‌كان به‌ كۆكراوی بنێرینه‌ ژێر ده‌ستی به‌ڕێوه‌به‌رانی PunBB و چاكی بكه‌ن.

٤، وه‌شانی نوێ به‌ ته‌واوی له‌سه‌ر بنه‌مای UTF-8 دامه‌زراوه‌ و كار ده‌كات، له‌ كاتی نوێكردنه‌وه‌ی مه‌كۆكانت له‌ وه‌شانی ١،٢ ـه‌وه‌ بۆ ١،٣ پرۆگرامۆكه‌ی نوێكردنه‌وه‌ بۆ خۆی هه‌موو په‌یام و ناوه‌ڕۆكی مه‌كۆكانت ده‌گۆڕێته‌ سه‌ر UTF-8.

٥، په‌ڕگه‌ی زمانی وه‌شانی ١،٢ بۆ وه‌شانی ١،٣ ده‌ست نادات و ده‌بێ وه‌شانی ١،٣ سه‌ر له‌ نوێ وه‌ربگێڕدرێت. شایه‌نی باسه‌ ئه‌و په‌ڕگه‌ی زمانه‌ی كه‌ له‌گه‌ڵ وه‌شانی ١،٣ ی بێتا دانراوه‌ كه‌م و كۆڕی هه‌یه‌ و درووست نیه‌ وه‌ك په‌ڕگه‌ی كۆتایی چاوی لێ بكرێت. له‌ وه‌شانی ١،٣ دا به‌شی به‌ڕێوه‌به‌رایه‌تی په‌ڕگه‌ی زمانی سه‌ربه‌خۆی هه‌یه‌، ئه‌وه‌ش وا ده‌گه‌یه‌نێت كه‌ به‌شی به‌ڕێوه‌به‌رایه‌تی ده‌كرێ وه‌ربگێڕدرێت بۆ سه‌ر زمانه‌كانی دیكه‌.

بۆ داگرتنی وه‌شانی ١،٣ كرته‌ له‌ به‌سته‌ری خواره‌وه‌ بكه‌،
http://punbb.org/download/punbb-1.3-beta.zip

تێبینی: وه‌ك وه‌شانه‌كانی پێشوو، له‌گه‌ڵ بڵاوبوونه‌وه‌ی وه‌شانی كۆتایی و بێ كێشه‌ی ١،٣ له‌ وێبچن ده‌توانی په‌ڕگه‌ی زمانی ئه‌و وه‌شانه‌ نوێیه‌ دابگریت كه‌ به‌شی به‌ڕێوه‌به‌رایه‌تیش به‌ كوردی ده‌بێت، هه‌روه‌ها به‌ هه‌موو شێوه‌یه‌ك له‌ وێبچن پاڵپشتی وه‌شانی نوێ ده‌كه‌ین.

به‌ هیوای بڵاوبوونه‌وه‌ی وه‌شانی نوێ ١،٣ به‌ شێوه‌یه‌كی كۆتایی و بێ كێشه‌ له‌ داهاتوویه‌كی نزیك دا.