من ئوبونتو به‌كار دێنم.

له‌سه‌ر كۆمپیوته‌رێك دامه‌زارندووه‌ كه‌ كاری ڕاژه‌كار جێبه‌جێ ده‌كات.

له‌سه‌ر Laptop ی خۆم داممه‌زراند به‌ڵام له‌به‌ر ئه‌وه‌ی وه‌ڵامده‌ره‌وه‌ی كار و پێداویستی من نه‌بوو، ناچار بووم بیسڕمه‌وه‌.
پێداویستی من له‌سه‌ر ئه‌و كۆمپیوته‌ره‌م ئه‌وه‌یه‌ كه‌ پرۆگرامه‌كانی وه‌ك فۆتۆشۆپ و هتد له‌سه‌ر كار بكات، ده‌زانم گه‌ر Wine به‌كار ببه‌م ده‌توانێت ئه‌و كاره‌ بكات، به‌ڵام ده‌بێ له‌ لایه‌كی دیكه‌وه‌ له‌وه‌ بیر بكه‌ینه‌وه‌ كه‌ كۆمپیوته‌ره‌كه‌ به‌ پرۆگرامی ناپێویست پڕ نه‌كه‌ین، هه‌روه‌ها ئوبونتو له‌ ڕووی گرافیكه‌وه‌ پێویستی به‌ گرافیك كارتی باشتر هه‌یه‌ تا XP.

ئوبونتو هه‌نگاوێكی زۆر زۆری بڕیوه‌ له‌وه‌ی كه‌ لینوكس بهێنێته‌ سه‌ر Desktop، به‌ڵام زۆریشی ماوه‌ كه‌ وه‌ك جێگری ویندۆز بژمێردرێت.
ئه‌گه‌ر بیه‌وێ نزیكتر بێته‌وه‌ له‌وه‌ی كه‌ شوێنی ویندۆز بگرێت ده‌بێت به‌ شێوه‌یه‌ك به‌كاربردنی Command و Command نووسین نه‌مێنێت، یان هه‌ر هیچ نه‌بێت سیسته‌مه‌كه‌ به‌ شێوه‌یه‌ك جێبه‌جێی بكات كه‌ به‌كارهێنه‌ر هه‌ست به‌ دژواری نه‌كات.

پێم خۆشە بزانم کێ ئەم سیستەمە بەکاردەهێنێت؟

من به‌كاری ناهێنم

ئەگەر بەکاری دەبات کێشەکانی چین یان چی بوونە؟

به‌كاری ناهێنم بۆيه‌هيچ كێشه‌يه‌كم له‌گه‌ڵی نيه‌.

ئەگەر بەکاری ناهێنێت بۆ؟

له‌به‌رئه‌وه‌به‌كاری ناهێنم كه‌ هيچی لێنازانم واته‌ وه‌ك ئه‌وه‌ وايه‌ كه‌ سه‌ره‌تا كۆمپيوته‌ر بكڕی
ئه‌گه‌ر لێشی نه‌زانی دبێت له‌ ئه‌یڕه‌قيب ڕاده‌ست پێبكه‌يه‌وه‌ ئه‌مه‌ش كارێكی ناخۆشه‌
بۆيه‌من ناتوانم واز له‌ ئێكسپی بێنم.

لەچیدا کەمتەرخەمە یان لات چارەسەر نەکراوە بۆیە پەنات برۆدتەوە بۆ سیستەمی پێشووت؟

له‌به‌رئه‌وه‌ی ئه‌و سيسته‌مه‌ی كه‌ من به‌كاری ئه‌هێنم واتا ئێكس پی زۆر بڵاوه‌ و هه‌تا ئێستا هيچ گرفتی نه‌بووه‌

چی لەم ناکرێت و لەسیستەمەکانی تر ئاسان و بێ سەرئێشەیە؟ یان بەپێچەوانەوە؟

كاك سيا ئه‌گه‌ر گرفتێكی بێته‌ پێشێ هه‌موو كه‌س ناتوانێت چاره‌ی بكات بۆنموونه‌ گه‌ر مه‌كۆيه‌كی تايبه‌ت به‌ ئوبونتو هه‌يه‌ له‌وانه‌يه‌ هه‌مووكه‌س وه‌ك و من و تۆ پێینه‌زانێت
به‌ڵام كه‌سه‌يری هه‌ر مه‌كۆيه‌ك بكه‌ی نووسراوه‌ پرسيار و وه‌ڵام له‌سه‌ر كۆمپيوته‌ر ئه‌مه‌ش زياتر مه‌به‌ستيان XP  &  Vista
يه‌ .

ئه‌مه‌ هه‌موڕوون كردنه‌وه‌ی من بوو كاك سيا
زۆر سووپاس

كاك هونه‌ر:

ماسی له‌ده‌ریادا مامه‌ڵه‌ ناكرێت.

ئوبونتو بۆ كه‌سانێك نابێت، كه‌ئاستی شاره‌زاییان له‌ویندۆزدا هێشتا له‌سه‌ره‌تایدایه‌.

بژین

كاك سيا

تفه‌نگ به‌ تاريكيه‌وه‌ مه‌نێ

تۆ چۆن ئه‌زانی كه‌ كه‌سی شاره‌زام له‌ ويندۆزدا

نه‌شاره‌زا نا به‌ڵكو سه‌ره‌تایی.....
تكایه‌ باسه‌كه‌ش مه‌گۆڕه‌، جارێ سیسته‌مه‌ت به‌كارنه‌هێناوه‌ یان له‌داهاتودا به‌كاری ناهێنیت ئه‌وه‌ په‌یوه‌سته‌ به‌خۆته‌وه‌.
لێره‌ باسمان له‌سه‌ر باسێكی دیاریكراوه‌.

تكایه‌ به‌ڕێز...
بژین

كاك سیا سڵاو
من له‌گه‌ڵ ئه‌مه‌ نیم

ئوبونتو بۆ كه‌سانێك نابێت، كه‌ئاستی شاره‌زاییان له‌ویندۆزدا هێشتا له‌سه‌ره‌تایدایه‌

به‌ پێچه‌وانه‌وه‌
ئه‌وه‌ خودی كێشه‌كه‌یه‌ چونكه‌ خه‌ڵكی شاره‌زای ویندۆوز بوه‌ ،بۆیه‌ سیسته‌مێكی كارگێری نوێ نامۆ یان ترسناك دیاره‌.
ده‌توانی ئوبونتو فێربیت بێ ئه‌وه‌ی له‌ ژیاننتدا ویندۆزت دیبێت!

وه‌ڵامه‌كانی كاك هونه‌رئه‌حمه‌د ده‌قاو ده‌ق ده‌توانم بڵێم وه‌ڵامی زۆربه‌ی به‌كارهێنه‌رانی ویندۆوز بێت..جا وایه‌ یان وا نییه‌ ئه‌وه‌ باسێكی تره‌..چاره‌ش بۆ ئه‌وه‌ له‌ ده‌ست به‌كارهێنه‌ردا نییه‌ به‌ڵكو له‌ خودی ئوبونتو خۆیدایه‌ ئاسانكاری بكات ..ئوبونتۆش به‌ ڕای من كه‌مته‌رخه‌می نه‌كردووه‌ تا ئێستا باش هاتۆته‌ پێشه‌وه‌ له‌و ماوه‌ كورته‌دا.

ڕێزمان

دواترین جار ده‌ستكاری كراوه‌ له‌لایه‌ن SAFEEN (2008-02-20 11:47:30)

ئوبونتو سیسته‌مێكی به‌هێزه‌، داڕێژه‌رانیشی ئه‌وه‌ ده‌زانن كه‌ هه‌رچی سیسته‌مه‌كه‌ ئاسانتر بكه‌نه‌وه‌ بۆ به‌كارهێنان، زۆرتر سه‌ركه‌وتوو ده‌بن. چوونكه‌ سیسته‌مێكی سه‌ركه‌وتوو به‌وه‌ سه‌ركه‌وتوو ده‌بێت كه‌ خۆی له‌گه‌ڵ پێداویستی به‌كارهێنه‌ردا بگوونجێنێ، نه‌ك به‌كارهێنه‌ر له‌گه‌ڵ سیسته‌مه‌كه‌دا خۆی بگوونجێنێت.

یه‌كێك له‌و سه‌ركه‌وتنانه‌ی ویندۆز له‌وه‌دایه‌ كه‌ گه‌ر چاو بكه‌ین له‌ وه‌شانی ٩٥ ـه‌وه‌ تا ئێستا گۆڕانكاریه‌كی زۆر به‌سه‌ر شێوازیدا نه‌هاتووه‌، ئه‌وه‌ش وایكردووه‌ كه‌ گه‌ر سبه‌ی وه‌شانێكی نوێی لێ ده‌ربچێت به‌كارهێنه‌ر هه‌ر ده‌یناسێته‌وه‌ چوونكه‌ ویندۆز له‌ درێژیی ته‌مه‌نیدا هه‌ر هه‌مان شێوازی هه‌بووه‌.

به‌كارهێنه‌رێكی ئاسایی ئه‌مڕۆ كه‌ نه‌توانێت كێشه‌ی مایكرۆفۆنی خۆی بۆ چاتكردن چاره‌سه‌ر بكات، ئاماده‌ نیه‌ خۆی فێری به‌كارهێنانی ئوبونتو بكات/ له‌ توانایدا نیه‌، باشتر وایه‌ ئوبونتو خۆی زۆرتر نزیك بكاته‌وه‌.

له‌ لایه‌كی دیكه‌وه‌ هه‌بوونی Support زۆر گرینگه‌، چاو له‌ من و تۆ مه‌كه‌ كه‌ گه‌ر كێشه‌مان هه‌بێت بۆ خۆمان چاره‌سه‌ری ده‌كه‌ین، كابرایه‌كی سویدی یان ئه‌ڵمانی كه‌ كۆمپیوته‌ر ده‌كڕن بیر له‌وه‌ ده‌كه‌نه‌وه‌ گه‌ر كێشه‌یان هه‌بوو ته‌له‌فۆن بۆ كۆمپانیای خاوه‌ن به‌رهه‌م ده‌كه‌ن و كێشه‌كانیان چاره‌سه‌ر ده‌بێت، به‌ڵام كه‌سێك كه‌ ئوبونتوی به‌كارهێنا ته‌له‌فۆن بۆ كوێ بكات؟ ده‌زانم مه‌كۆ و شوێنی دیكه‌ هه‌یه‌ ده‌كرێ یارمه‌تی تێدا وه‌ربگیردرێت، به‌ڵام ده‌بێ واقعییانه‌ و گشتیی تر بیر بكه‌ینه‌وه‌.

ده‌توانین لیسته‌یه‌كی بێ كۆتایی بنووسین سه‌باره‌ت به‌و هه‌نگاوانه‌ی كه‌ پێویسته‌ ئوبونتو جێبه‌جێی بكات بۆ ئه‌وه‌ی ببێته‌ ئه‌لته‌رناتیڤێك بۆ ویندۆز، به‌ڵام ئه‌و هه‌نگاوانه‌ به‌ ڕۆژ و مانگ جێبه‌جێ نابن، به‌ڵكوو كاتی پێویسته‌. ویندۆز زۆر زۆر له‌ پێشتره‌ و زۆری كێشه‌كانی ده‌گه‌ڕێته‌وه‌ بۆ ئه‌وه‌ی كه‌ به‌كارهێنه‌ری زۆره‌، هه‌رچه‌ند ویندۆز وه‌ك سیسته‌م به‌ كێشه‌دار نازانم گه‌ر به‌كارهێنه‌ر كێشه‌ی بۆ درووست نه‌كات، دڵنیا به‌ كۆمپیوته‌رێكی پۆڵایی بده‌ ده‌ست به‌كارهێنه‌رێكی تێكده‌ر، هه‌ر چه‌ند له‌ پۆڵاش بێت تێكی ده‌دات. جا ئه‌و ورده‌ كارییانه‌ هه‌ن و ئوبونتو زۆری ماوه‌ بۆ چاره‌سه‌ركردنیان.

ده‌زانین كه‌ ئوبونتو هه‌نگاوێكی زۆری بڕیووه‌ و باش پێش كه‌وتووه‌ و هه‌بوونی ئه‌و مه‌كۆیه‌ش لێره‌ به‌ هه‌مان مه‌به‌سته‌ كه‌ ئێمه‌ش هه‌وڵ بده‌ین ئه‌و سیسته‌مه‌ زۆرتر بناسێنین و باشتر به‌كار ببرێت. كه‌ به‌و هیوایه‌ی له‌ دوا ڕۆژدا ببێته‌ سیسته‌مێكی به‌هێزتر و گوونجاوتر، چوونكه‌ زۆربوونی به‌كارهێنه‌ر باشتر و به‌هێزتری ده‌كات.

ته‌ماشای ویندۆزی ٣.١١ و ٩٥ بكه‌، پاشان به‌راوردی بكه‌ له‌گه‌ڵ XP و Vista دا. ڕه‌نگ و ڕووكار ته‌نها جیاوازیی نین له‌ وه‌شانه‌كاندا. مایكرۆسۆفت هه‌ندێك جار وات لێده‌كات كه‌ خولی فێربوونی نوێ بكه‌یته‌وه‌ بۆ شتێكی كه‌ لای خۆیان له‌ وه‌شانێكدا بڕوانامه‌ی شاره‌زاییت وه‌رگرتووه‌.

منیش بۆیه‌ باسی ویندۆزی ٣،١١ م نه‌كرد چوونكه‌ ده‌زانم جیاوازی هه‌یه‌، به‌ڵام له‌ لایه‌كی دیكه‌وه‌ بۆ به‌كارهێنه‌رێكی ئاسایی گرینگ نیه‌ كه‌ له‌ كۆدی بنه‌ڕه‌تی Source Code ی ویندۆز چی گۆڕدراوه‌ له‌و ساڵانه‌ی كه‌ په‌ره‌ی پێدراوه‌، به‌ پێچه‌وانه‌وه‌ ئه‌و Visual Enterface ـه‌ی كه‌ له‌ ویندۆزی ٩٥ ـه‌وه‌ كاری له‌سه‌ر كراوه‌، به‌ شێوه‌یه‌كی گشتیی هه‌ر هه‌مانه‌ كه‌ له‌ ویندۆز XP دا هه‌یه‌، بۆ نموونه‌ گه‌ر چاوێك له‌و ئایكۆن و به‌شانه‌ بكه‌ین كه‌ به‌ شێوه‌یه‌كی زۆر به‌كاردێن له‌ ویندۆز دا، له‌ ڕووانگه‌ی به‌كارهێنانی خۆمه‌وه‌ بۆ ئه‌و سیسته‌مه‌ Start و ئایكۆنه‌كانی سه‌ر Desktop به‌ گرینگترین به‌شه‌كانی ئه‌و Enterface ـه‌ ده‌زانم و پێم وایه‌ بۆ زۆرینه‌ی به‌كارهێنه‌رانی دیكه‌ هه‌ر هه‌مان شته‌، له‌ ٩٥ ـه‌وه‌ تا XP كوا گۆڕانكاری زۆر به‌سه‌ر ئه‌وانه‌دا هاتووه‌؟ ڕاسته‌ ڕه‌نگی ئایكۆنه‌كان جوانتر بوون، به‌ڵام هه‌ر هه‌مان بنه‌ما و Structure ی پێشوویان هه‌یه‌.

ئه‌وه‌ واده‌كات خه‌ڵك ده‌توانێت له‌گه‌ڵ به‌كارهێنانی ویندۆز به‌رده‌وام بێت، وه‌ڵامدانه‌وه‌ی پرۆگرام داڕێژه‌رانیش Developers بۆ داڕشتنی به‌رنامه‌ بۆ ویندۆز كاریگه‌ری یه‌كجار زۆری هه‌یه‌، ویندۆز به‌ ته‌نیا بۆ خۆی هه‌موو كارێكی پێ جێبه‌جێ ناكرێت، به‌ڵام هاوكاریكردنی پرۆگرام داڕێژه‌ران بۆ چاره‌سه‌ركردنی ئه‌و كێشه‌یه‌ زۆر به‌هێزه‌ و به‌كارهێنه‌ر هه‌موو پرۆگرامێكی له‌به‌رده‌ست هه‌یه‌ بۆ هه‌موو مه‌به‌ستێك، له‌ سیسته‌مه‌كانی دیكه‌ به‌ هه‌مان شێوه‌ نیه‌، گه‌ر هه‌شبێت بۆ به‌كارهێنه‌ری ئاسایی به‌كه‌ڵك نایه‌ن چوونكه‌ ئاسان نین.

تەلەفۆن لەکام وڵات بۆ مایکرۆسۆفت کراوە بۆ چارەسەری کێشەکە!؟
کام کێشە؟
کام تەلەفۆن؟
هەرچەندە کەسم نەبیستووە ئەو کارە بکات گەر بیشیکات کات بەفیڕۆدانە، بۆ ئوبونتو دەتوانێت بەیەک کرتە لەسەر x-chat بچێتە نێو کەناڵەکەوە. تەنها پرسیارەکەی بنوسێت چەند چرکەیەک نابات چارەسەری بۆ دەکەن.

له‌وانه‌یه‌ كه‌سێكی وه‌ك من و تۆ پێویستی به‌وه‌ نه‌بێت، چوونكه‌ كارمان له‌ گه‌ڵ كۆمپیوته‌ره‌ و تاقه‌تی ئه‌وه‌مان هه‌یه‌ له‌ به‌رانبه‌ر مۆنیتۆره‌وه‌ دابنیشین و چاوه‌ڕوانی وه‌ڵامی پرسیاره‌كانمان بین، به‌ڵام كه‌سێك كه‌ كاری ڕۆژانه‌ی په‌یوه‌ندی به‌ كۆمپیوته‌ره‌وه‌ نیه‌ ئه‌و تاقه‌ته‌ی نیه‌، بۆیه‌ ئاماده‌یه‌ كۆمپیوته‌رێك بكڕێت كه‌ ویندۆزی له‌سه‌ر بێت و گه‌ر ڕۆژێك له‌ ڕۆژان كێشه‌ی هه‌بوو بتوانێ له‌ هه‌ر كوێیه‌ك بێت بۆی چاره‌سه‌ر بكرێت، به‌ ته‌له‌فۆن بێت، یان بیبات بۆ دووكانێك بۆ چاك كردنه‌وه‌ و هتد... گرینگ ئه‌وه‌یه‌ كاره‌كه‌ی بۆ چاره‌سه‌ر ده‌بێت له‌ هه‌ر شوێنێك بێت، به‌ڵام لینوكس به‌ گشتیی به‌ هه‌مان شێوه‌ نیه‌.

وه‌ك ئاگاداری پێشتر له‌ نزیكه‌وه‌ قسه‌مان له‌سه‌ر ئوبونتو كردووه‌ و چه‌ندم پێ خۆش بوو كه‌ كێشه‌ی Ipod ـه‌كه‌می چاره‌سه‌ر كرد له‌ كاتێك دا له‌ ویندۆز بۆم چاره‌سه‌ر نه‌بوو، به‌ڵام ئه‌وه‌ ناگه‌یه‌نێت كه‌ ویندۆز سیسته‌مێكی خراپه‌، به‌ڵكوو ئه‌و كاته‌ پرۆگرامم نه‌بوو كاره‌كه‌م بۆ جێبه‌جێ بكات، دواتر پرۆگرامێكی Open Source ـم ده‌ست كه‌وت كه‌ هه‌مان كاری بۆ جێبه‌جێ كردم له‌سه‌ر ویندۆز و له‌ ڕاستیدا به‌ ٢ كرته‌ش و پێویستی به‌ دامه‌زراندن نه‌بوو.

ئه‌و كێشانه‌ی كه‌ وه‌ك نموونه‌ هێناونه‌ته‌وه‌ كێشه‌ی ڕۆژانه‌ نین، هه‌موو كه‌سێك هه‌موو ڕۆژێك Printer ناكڕێت بۆ ئه‌وه‌ی وه‌گه‌ڕخه‌ری بۆ دابمه‌زرێنێت، بڵێم چی كه‌سێك پێویستی به‌و كاره‌ ده‌بێت كه‌ له‌ ڕۆژێك دا چه‌ند جارێك فۆرمات بكات، كه‌سی له‌و جۆره‌ش به‌كارهێنه‌ری ئاسایی نیه‌، به‌ڵكوو ماویه‌تیی ببێته‌ ئاسایی، به‌كارهێنه‌ری تێكده‌ره‌.

بۆ ئه‌وه‌ی باسه‌كه‌مان وردتر نه‌بێته‌وه‌، ویندۆز گه‌ر به‌ درووستی به‌كار بهێنرێت كێشه‌كانی زۆر له‌وه‌ كه‌مترن كه‌ ده‌خرێنه‌ ڕوو، ئوبونتو و سیسته‌مه‌كانی دیكه‌ گه‌ر به‌كارهێنه‌ریان زۆر بێت، كێشه‌كانیان زۆر زۆرتر ده‌بێت له‌وه‌ی كه‌ تا ئێستا خراوه‌ته‌ ڕوو.

به‌ڵام وه‌ك سیسته‌م هه‌ر هه‌موویان كار ده‌كه‌ن و هه‌ر یه‌كه‌ و به‌ شێوه‌یه‌ك و هه‌ر یه‌كه‌ و كه‌م و كۆڕی و لایه‌نی به‌هێزی خۆی هه‌یه‌، به‌ڵام ئه‌و واقعییه‌ته‌ی كه‌ ئه‌مڕۆ هه‌یه‌ ئه‌وه‌یه‌ كه‌ ویندۆز ئاسانه‌ بۆ به‌كارهێنان، كێشه‌كانی هه‌رچی بن چاره‌سه‌ر ده‌بن، له‌ هه‌موو شوێنێك Support ی هه‌یه‌، بیرێكی به‌هێزی له‌ پشته‌وه‌یه‌ كه‌ ده‌توانێ بیخاته‌ نێو بازاڕه‌وه‌ و سوودی باشی لێوه‌ده‌ست دێنێ و هتد.... له‌ بیرمان نه‌چێت كه‌ ویندۆز باشترین و به‌ناوبانگترین سیسته‌مه‌ كه‌ یاری‌ی له‌سه‌ر ده‌كرێت، سیسته‌مه‌كانی دیكه‌ له‌و بواره‌وه‌ هه‌ر هیچیان بۆ نه‌كراوه‌. یاری‌ی كردنیش به‌شێكه‌ له‌ ژیانی ڕۆژانی به‌كارهێنانی كۆمپیوته‌ر، یاری‌یه‌كی وه‌ك Steam كه‌ گه‌ر هه‌ڵه‌ نه‌بم چه‌ندین ملیۆنی زۆر یار‌ی‌ی كه‌ری هه‌یه‌ ته‌نیا له‌سه‌ر ویندۆز و Xbox كار ده‌كات.

بێگوومان مه‌به‌ست له‌م باسه‌ ئه‌وه‌ نیه‌ كه‌ ویندۆز چاكه‌ و ئوبونتو خراپه‌ یان به‌ پێچه‌وانه‌وه‌. باوه‌ڕم به‌وه‌ هه‌یه‌ كه‌ ویندۆز ته‌نیا سیسته‌م نیه‌ و مه‌رجیش نیه‌ هه‌موو كه‌سێك ویندۆز یان ئوبونتو یان ماك به‌كار بهێنێت، هه‌بوونی ئه‌لته‌رناتیڤی زۆر شتێكی Positive ـه‌، گوومانیشم له‌وه‌ نیه‌ ئه‌گه‌ر كۆمپیوته‌رێكم هه‌بێت كه‌ وه‌ك ڕاژه‌كار به‌كاری ببه‌م پێش هه‌ر سیسته‌مێكی دیكه‌ بیر له‌ Distro ـه‌یه‌كی لینوكس ده‌كه‌مه‌وه‌ چوونكه‌ ده‌زانم له‌و بواره‌دا لینوكس باشتره‌/ پێم باشتره‌.

ئوبونتو زۆربه‌ی ئه‌و كارانه‌ی سه‌ر Desktop جێبه‌جێ ده‌كات كه‌ زۆربه‌مان پێویستمان پێی هه‌یه‌ و خۆڕاییه‌، له‌سه‌ر ئه‌و بنه‌مایه‌ و ئه‌وه‌ی سه‌ره‌وه‌ هه‌وڵ ده‌ده‌م ئوبونتو بناسێنم به‌ڵام نه‌ك وه‌ك ئه‌لته‌رناتیڤێك بۆ ویندۆز به‌ ته‌واوی، هه‌ر هیچ نه‌بێت ئێستا ناتوانین بڵێین ئه‌لته‌رناتیڤی ته‌واوه‌. گرینگ ئه‌وه‌یه‌ كه‌ سیسته‌مه‌كه‌ كراوه‌یه‌ و له‌ هه‌موو لایه‌كه‌وه‌ په‌ره‌ی پێده‌درێت و به‌ شێوه‌یه‌كی باش فره‌زمانی تێدا ڕه‌چاو كراوه‌ و وه‌شان دوای وه‌شان باشتر ده‌بێت، جا چاوه‌ڕوانی باشترین.

كاك هونه‌رمه‌ند چۆن ویندۆز خۆڕاییه‌، Windows XP Pro SP2 نرخی ٢٧٠ دۆلاره‌،
http://www.amazon.com/Microsoft-Windows … amp;sr=8-3
ئه‌مڕۆ له‌ دووكانێك لێره‌ له‌ سوید‌ ده‌توانی كۆمپیوته‌رێك بكڕیت به‌ ٤٠٠٠ كرۆن/  كه‌ ده‌بێته‌ ٦٥٠ دۆلارێك، واته‌ یه‌ك License ی ویندۆز نرخی نیو كۆمپیوته‌رێكه‌
له‌ كوردستان كه‌س نایفرۆشێت بۆیه‌ پاره‌ی پێناده‌ن، هه‌مووی ڕوونووسی ده‌كات. چه‌ند كه‌سێك لێره‌ به‌ ئاشكرا ئه‌و كاره‌یان كرد، مایكرۆسۆفت به‌ ده‌یان ملیۆن بردنیه‌ دادگا و پاره‌ی هه‌موو ئه‌و ویندۆزانه‌ی لێ سه‌ندنه‌وه‌ كه‌ به‌ كۆپی كراوی بڵاویان كردبووه‌وه‌.

به‌ڵام ئوبونتو خۆڕاییه‌، دایبگره‌، بیسووتێنه‌ سه‌ر سی‌دی و دواتر دایبمه‌زرێنه‌ له‌سه‌ر كۆمپیوته‌ره‌كه‌ت.

بەڕێز داڤید:
کەس بۆتی نەنوسیوە شت مەنوسە، تەنها ئەوەیە بزانین باسەکە چییە. وە بۆچی مەبەستێک ئەو باسە دەکرێت.
کاک ئاسۆ:
لەوانەیە لەسوێد یان وڵاتی دیکە چاکردنی کۆمپیوتەر واتا ویندۆز.
لە ئەڵمانیا شوێنی بەناوبانگ هەیە بۆ خزمەتگوزاری فرۆشتنی کەرەستەی کۆمپیوتەر، هەروەها لەهەمان کاتدا ئەوان Service دەکەن لەو بوارە، بەداخەوە ئەوانەی دەچن بۆ ئەوێ بەکارهێنەری ویندۆزن گەشتونەتە دەرگای داخراو، بۆیە پەنا بۆ ئەو شوێنانە دەبەن.
http://arlt.com/
بەڕاستی خەڵکی زۆر زۆری ئەو وڵاتە دەچێت لەوێ کۆمپیوتەر دەکڕێت بەبێ سیستەم کەنرخیان زۆر هەرزانە. وە ئەگەر کەسێک کێشەیەکی لەسیستەمی وەک لینوکسدا هەبوو گەر خۆی لەو ئاستەدا نەبوو چارەسەری بکات نەبەمەکۆکان نەبەگووگڵ نەبەکەناڵەکان ئەوە ئەوان چارەسەری بۆ دەکەن بەبەرامبەر.
وەک وتم ئوبونتو گەر پێشتر لەویندۆزدا ئاستێکی سەرەتاییت هەبێت، پێت هەرس ناکرێت. بەداخەوە گەر کەسانێک ئەمە بەرپەرچێکی توند بزانن
سیستەمی ئوبونتو تەنها یەک شتی پێویستە بۆ ئەوەی ببێتە سیستەمی بنەڕەتیت.

be Cool with ubuntu

کاک هونەر:
جەنابت کەتائێستا وات زانیوە ویندۆز خۆڕاییە، واتا بەکارهێنەرێکی نەشارەزایی ئەو سیستەمەی، بەڵام کوڕێکی زیرەک و چالاکی ئەم مەکۆیەی دڵنیاشم زۆر زۆر شارەزا تر دەبیت گەر ئاوها پرسیارەکانت بکەیت.
سوپاس بۆ هەموو لایەک لەهێشتنەوەی باسەکە وەک خۆی.
هەموو لایەک بژین
|برادەران: دەنگتان نەبوو  لەکەناڵی IRC ؟
http://www.webchin.org/Meko/babeti-jimare4485.html