زۆر جوانه‌، بۆ لیسته‌ی فۆنته‌كان. ده‌ستخۆش.

هه‌ربــــــــــــــــــــــژیت زۆر جوانه‌ سه‌ركه‌توو بیت له‌ كاره‌كانت

سڵاو،
ئه‌وه‌ی پێش دووساڵ له‌وێ گفتوگۆی له‌سه‌ر كرا سه‌ری گرت له‌ كۆتاییدا. ده‌باره‌ی DejaVu من به‌ ئیمه‌یل به‌شداریم تیا كرد.

ئه‌ردالیش له‌ویا بۆی نووسیویت كه‌ ده‌توانیت له‌ بابه‌تێكی نوێدا ئه‌و په‌یامه‌ت وه‌كوو كه‌لێن پێناس بكه‌یت.

له‌گه‌ڵ ڕێزدا.

بژین هه‌ردووکتان، ده‌ستتان خۆش بێت. قۆناغێکی تره‌ بۆ ...

سڵاو
سه‌باره‌ت به‌ فۆنته‌کانی یونیکۆد چه‌ند گرفتێکیان هه‌یه‌ ئه‌ویش ئه‌وانه‌یه‌
1- هه‌ندێک له‌ فۆنته‌کان هه‌موو پیته‌ عه‌ره‌بییه‌کانی تێدا نییه‌ وه‌کو: ط، ظ...
2- هێماکانی فه‌تحه‌ و زه‌مه‌ و ئه‌و بابه‌تانه‌یان تێدا نییه‌
3- هه‌ندێکیان ژماره‌کانیان به‌ شێوه‌ی ئێرانییه‌
4- پیته‌ لاتینییه‌کان قه‌باره‌یان گه‌وره‌یه‌ و تۆخن له‌ چاو کوردییه‌که‌ی، که‌ ده‌بێ پیته‌ لاتینییه‌کان بگونجێن له‌ شێوه‌ و قه‌باره‌ له‌گه‌ڵ پیته‌ عه‌ره‌بییه‌کان تا به‌ یه‌که‌وه‌ به‌کار بێن به‌ بێ گۆڕینی فۆنت یان قه‌باره‌ بۆ نووسینه‌ ئینگلیزییه‌کان

ئه‌و گرفتانه‌ی سه‌ره‌وه‌م هاته‌ پێش له‌ کاتی ئیش کردنم به‌و فۆنتانه‌، ئه‌وانه‌ هه‌مان گرفتی فۆنتی بابه‌تی ئه‌لی و ئه‌وانی دیکه‌یه‌، ئه‌گه‌ر من ده‌بێ فۆنتێکی جیاواز بۆ کوردی و یه‌ک بۆ عه‌ره‌بی و یه‌ک بۆ ئینگلیزی به‌کار بێنم که‌واته‌ هیچ پێشکه‌وتنێکمان به‌سه‌ر فۆنتی بابه‌تی ئه‌لی نه‌کردووه‌

ئه‌گه‌رچی ئه‌و فۆنته‌ تازانه‌م تاقی نه‌کردۆته‌وه‌، هیوادارم ئه‌و گرفتانه‌ ڕه‌چاو کرابن
پێش ماوه‌یه‌ک ویستم FontForge به‌کار بێنم بۆ گۆڕینی فۆنته‌کانی یونیکورد به‌ڵام خراپی ئینته‌رنێت ڕێی لێ گرتم له‌ داونلۆد کردنی تا سارد بوومه‌وه‌
حه‌زم لێیه‌ کۆمه‌ڵێک فۆنتی عه‌ره‌بی هاک بکه‌ین و نوسخه‌ی به‌ کوردی کراویان لێ دروست بکه‌ین (دزین به‌تامه)

له‌گه‌ڵ ڕێزدا

به‌ڕێزم کاک سیا
من فۆنتی عه‌لی به‌کار ناهێنم، له‌وه‌تی فۆنتی یونیکوردم پێ زانییه‌ ڕاسته‌وخۆ وازم له‌ فۆنته‌کانی عه‌لی هێنا پێش نزیکه‌ی 4 ساڵ و له‌ چه‌ندین جێ بنکه‌دراوه‌م دروست کردووه‌ به‌کارهێنه‌ره‌کانم فێری به‌کارهێنانی فۆنتی یونیکۆد ده‌کردن به‌ڵام گۆڕان وا ئاسان نییه‌.
من خێراییم له‌ نووسینی عه‌ره‌بی و کوردی به‌ فۆنتی عه‌لی زیاتر بوو له‌ 40 وشه‌ له‌ چرکه‌یه‌کدا به‌ڵام که‌ یونیکوردم زانی له‌ سه‌ره‌تاوه‌ به‌ خێراییه‌کی زۆر که‌م ده‌ستم پێ کرد له‌به‌ر ئه‌وه‌ی نه‌مزانی Azertyیشی هه‌یه‌، و کاتێک که‌ فێری یونیکورد بووم، توانای نووسینی عه‌ره‌بیم لێ تێک چوو له‌به‌ر ئه‌وه‌ی هه‌مان وشه‌ له‌ کیبۆردی عه‌ره‌بی له‌ جێیه‌ک بوو و له‌ کوردییه‌که‌ له‌ جێیه‌کی دیکه‌ بوو، له‌ ئاخیری به‌ دوو ئه‌وه‌نده‌ زه‌حمه‌تی کیبۆردی کوردی فێری بووم.

من باش له‌ جیاوازییه‌که‌ی ده‌زانم و ده‌ستخۆشیتان لێ ده‌که‌م بۆ ئه‌و ماندوو بوونه‌تان، من حه‌ز ده‌که‌م یارمه‌تیده‌ر بم له‌ دروست کردنی گورزێکی گه‌وره‌ له‌ فۆنتی کوردی به‌ سیسته‌می یونیکۆد، ئه‌وه‌ی من نووسیمه‌ له‌ سه‌ره‌وه‌ چه‌ند گرفتێکه‌ هاتیته‌ سه‌ر ڕێم له‌ کاتی به‌کارهێنانی ئه‌و فۆنته‌ کوردییانه‌، ئه‌گه‌ر ئه‌و چار خاڵه‌ی سه‌رێ چاره‌سه‌ر بکرێ له‌ناو فۆنته‌کان ئایا باشتر نابێت؟
ده‌زانم که‌ ئه‌و فۆنته‌ یونیکوردانه‌ پێشکه‌وتنێکی گه‌وره‌ن له‌چاو فۆنتی عه‌لی و ئه‌و قسه‌ی له‌ سه‌ره‌وه‌ کردم ڕاست نییه‌ له‌ چه‌ند ڕووێکه‌وه‌ له‌وانه‌ به‌کارهێنانی بۆ ئینته‌رنێت و زۆر شتی دیکه‌، به‌ڵام له‌ چه‌ند ڕووێکه‌وه‌ که‌ به‌و چوار خاڵه‌ ده‌ستنیشانم کردووه‌ گرفتی تێدا ماوه‌ که‌ به‌ ڕای من ئه‌گه‌ر چاره‌سه‌ر بکرێن، هه‌موو قسه‌یه‌ک ده‌بڕیت که‌ لایانگری به‌کارهێنانی فۆنتی عه‌لی بێت و زۆر خێراتر فۆنتی یونیکۆد باو ده‌بێت له‌ هه‌موو شوێنێک.

زۆر داوای لێبوردن ده‌که‌م من مه‌به‌ستم پێش خستن بوو له‌ ڕه‌خنه‌کانم نه‌ک ڕووخاندن

سوباس دكم بوفونتى جوان