سڵاو له‌ هه‌موو لایه‌ك،

له‌ ئه‌مڕۆ به‌دواوه‌ ناو گۆڕین له‌ مه‌كۆكان نه‌ماوه‌ و تكامان وایه‌ هیچ ئه‌ندامێك به‌ په‌یامی تایبه‌ت هیچ به‌ڕێوه‌به‌رێك ئاگادار نه‌كاته‌وه‌ بۆ ئه‌وه‌ی ناوه‌كه‌ی بگۆڕێت، گه‌ر به‌ڕێوه‌به‌رێكیش ئاگادار بكرێته‌وه‌ داواكه‌ی جێبه‌جێ ناكرێت.

هه‌ر كه‌سێك پێی خۆشه‌ ناوی بگۆڕێت، ده‌توانی به‌و ناوه‌ نوێیه‌ی كه‌ ده‌یه‌وێ خۆی تۆمار بكاته‌وه‌.
سووپاسی پابه‌ند بوونتان به‌و خاڵه‌ ده‌كه‌ین.

٭ ماوه‌یه‌ك پێش ئێستا هاوڕێیه‌ك پێشنیاری ئه‌وه‌ی كرد كه‌ گه‌ر په‌یوه‌ندییه‌ك درووست بكرێت له‌ نێوان مه‌كۆی به‌سته‌ر ناساندن و به‌سته‌رچن كارێكی چاك ده‌بێت. سووپاس بۆ پێشنیاره‌كه‌ی.
كاتێك له‌ مه‌كۆی ناساندنی به‌سته‌ره‌وه‌ بته‌وێ به‌سته‌رێك بناسێنیت ده‌توانی ئێستا له‌ هه‌مان كاتدا به‌سته‌ره‌كه‌ش بنێریت بۆ به‌سته‌رچن به‌بێ ئه‌وه‌ی پێویست بكات مه‌كۆی ناساندنی به‌سته‌ر به‌جێ بهێڵیت. پڕكردنه‌وه‌ی زانیارییه‌ پێویسته‌كان به‌ درووستی دڵسۆزیت ده‌سه‌لمێنێ بۆ وێبچن.

٭ له‌ داهاتوویه‌كی نزیكدا "ئامرازگه‌ی وێبچن" ده‌كرێته‌وه‌، ئامرازگه‌ی وێبچن بریتی ده‌بێت له‌ په‌ڕه‌یه‌ك كه‌ كۆمه‌ڵێك ئامرازی به‌سوود له‌ خۆ ده‌گرێت بۆ خاوه‌ن ماڵپه‌ڕه‌كان، ئامرازه‌كان چین و چۆن كار ده‌كه‌ن، له‌ داهاتوودا ڕوون ده‌بێته‌وه‌.

٭ هه‌روه‌ها له‌ ماوه‌یه‌كی نزیكدا له‌ داهاتوودا، هاوكارییه‌ك له‌ نێوان هۆستگه‌ و وێبچن پێكدێنین و ئه‌ندامانی وێبچن سوودمه‌ند ده‌بن له‌و هاوكارییه‌، ئه‌وه‌ش دابینكردنی شوێنی خۆڕایی بۆ ئه‌ندامانی وێبچن كه‌ بتوانن ماڵپه‌ڕی خۆیانی له‌سه‌ر دابمه‌زرێنن، (مه‌كۆیه‌ك بۆ نموونه‌) هیوادارین به‌و هه‌نگاوه‌ هاوكاریی ئه‌و ئه‌ندامانه‌ بكه‌ین كه‌ ڕۆژانه‌ به‌ ده‌ست خانه‌خوێی خۆڕاوه‌ ده‌ناڵێنن.
هه‌موو ئه‌ندامێك ژێر ناوێكی ده‌بێت له‌سه‌ر یه‌كێك له‌ دۆمه‌ینه‌كانی وێبچن، بۆ نموونه‌ flankes.webchin.org.


وه‌ك خۆم (ئاسۆ نادری): ماوه‌یه‌كه‌ بیر له‌وه‌ ده‌كه‌مه‌وه‌ كه‌ هه‌ژمارێكمان هه‌بێت له‌سه‌ر Skype و له‌ ڕێگه‌یه‌وه‌ بتوانن زووتر هاوكاریی ئه‌ندامان بكه‌ین، به‌تایبه‌ت ئه‌وانه‌ی كه‌ كێشه‌ی به‌ په‌له‌یان بۆ درووست ده‌بێت و هتد... پاشان ئه‌و نووسراوانه‌ی كه‌ تاوتوێ ده‌كرێن وه‌ك ئه‌رشیفێك له‌سه‌ر وێبچن له‌ شوێنێك دابنرێت بۆ ئه‌وه‌ی ئه‌ندامانی دیكه‌ بتوانن بیبینن و بتوانن به‌ نێو نووسینه‌كاندا بگه‌رێن، له‌وانه‌یه‌ سوودی هه‌بێت بۆ كه‌سانی دیكه‌.
تكایه‌ هه‌ر تێبینییه‌كت هه‌یه‌ له‌سه‌ر ئه‌م خاڵه‌، بینووسه‌.
ئه‌مه‌ به‌ هیچ شێوه‌یه‌ك كاریگه‌ریی نابێت له‌سه‌ر مه‌كۆكان و به‌رنامه‌یه‌كی بۆ داده‌نێین كه‌ نه‌بێته‌ هۆی سست بوونه‌وه‌ی مه‌كۆكان.

ئه‌وه‌ش بۆ ئێستا، تا نوێكردنه‌وه‌ی داهاتوو ماڵتان ئاوا.