سڵاو هاورێیان،
وه‌ك ئاگادارن ماوه‌یه‌ك پێش ئێستا بڕیاردرا كه‌ هاوكارییه‌ك له‌ نێوان وێبچن و هۆستگه‌ جێبه‌جێ بكرێت بۆ دابین كردنی شوێنی خۆڕایی بۆ ئه‌ندامانی وێبچن بۆ ئه‌وه‌ی ماڵپه‌ڕێك بۆ خۆیان له‌سه‌ر ئه‌و شوێنه‌ درووست بكه‌ن.
هۆكاری جێبه‌جێ كردنی ئه‌و كاره‌ ده‌گه‌ڕێته‌وه‌ بۆ ئه‌وه‌ی كه‌ ئه‌ندامانی وێبچن كاره‌كانیان ئاسان ببێته‌ و گیرۆده‌ی ئه‌و شوێنه‌ خۆڕاییانه‌ نه‌بن كه‌ كێشه‌ی زۆریان هه‌یه‌ و هه‌روه‌ها ڕێكلام له‌سه‌ر ماڵپه‌ڕه‌كانیان داده‌نرێت.

ئه‌م خزمه‌تگووزارییه‌ چۆن كار ده‌كات؟
هۆستگه‌ ڕاژه‌كارێكی تایبه‌ت كردووه‌ بۆ ئه‌م مه‌به‌سته‌ كه‌ توانایه‌كی زۆری هه‌یه‌ له‌ جێبه‌جێ كردنی كاره‌كان و ماڵپه‌ڕه‌كانی سه‌ر ئه‌و ڕاژه‌كاره‌ وه‌ك وێبچن خێرا ده‌كرێنه‌وه‌ و ده‌توانین بڵێین له‌ نێوان خێراترین ماڵپه‌ڕه‌ كوردییه‌كان ده‌بن.
هه‌روه‌ها هۆستگه‌ كاری نوێكردنه‌وه‌ و پاراستنی ڕاژه‌كاری گرتۆته‌ ئه‌ستۆ.

هه‌موو ئه‌ندامێك ده‌توانێ یه‌كجار خوازیاری ئه‌وه‌ ببێت كه‌ ماڵپه‌ڕێكی هه‌بێت له‌سه‌ر ئه‌و ڕاژه‌كاره‌، گه‌ر هه‌ست بكرێت كه‌ ئه‌ندامێك زۆرتر له‌ ١ جار داواكاری ناردووه‌، به‌داخه‌وه‌ ناچار ده‌بین كه‌ هه‌ردوو هه‌ژماره‌كه‌ی به‌بێ ئاگاداری بسڕینه‌وه‌.

دۆمه‌ینی webchin.net تایبه‌ت كراوه‌ بۆ ئه‌و كاره‌ و هه‌موو ماڵپه‌ڕێك وه‌ك ژێر دۆمه‌ینێك كار ده‌كات، واته‌ ناونیشانی هه‌ر ماڵپه‌ڕێك به‌م شێوازه‌ ده‌رده‌كه‌وێت http://test.webchin.net لێره‌دا test ئه‌و ناوه‌یه‌ كه‌ خۆتان هه‌ڵتان بژاردووه‌.

هه‌موو ماڵپه‌ڕێك ٥٠ مێگابایت شوێن و ٣ گیگابایت ترافیكی بۆ دابین ده‌كرێت له‌گه‌ڵ بنكه‌یه‌كی دراوه‌ی MySQL دا.

ئه‌م خزمه‌تگووزارییه‌ تایبه‌ته‌ به‌ ئه‌ندامانی وێبچن و ته‌نیا ئه‌ندامانی وێبچن ده‌توانن سوودی لێ ببینن، گه‌ر ئه‌ندامی وێبچن نیت‌، تكایه‌ پێویست ناكات داواكاریی بنێریت.

چۆنیه‌تی داواكردن،
تكایه‌ سه‌ردانی به‌سته‌ری خواره‌وه‌ بكه‌،
http://webchin.net/dawakari
(تكایه‌ ئه‌گه‌ر به‌سته‌ری سه‌ره‌وه‌ لای به‌ڕێزت نه‌كرایه‌وه‌، پاش ٢٤ كاتژمێری دیكه‌ هه‌وڵ بده‌وه‌، چوونكه‌ DNS ی تایبه‌ت به‌ دۆمه‌ینه‌كه‌ نوێ كراوه‌ته‌وه‌ و له‌وانه‌یه‌ ئه‌و نوێكارییه‌ له‌ بۆ به‌ڕێزت تا ئێستا جێبه‌جێ نه‌بووبێت)
خانه‌كان به‌ درووستی پڕ بكه‌وه‌، به‌پێی ئه‌و زانیارییانه‌ی كه‌ له‌ په‌ڕه‌كه‌دا نووسراون.
پاش ناردنی داواكارییه‌كه‌ت، له‌ نێوان ٢٤ كاتژمێردا زانیاریی تایبه‌ت به‌ ماڵپه‌ڕه‌كه‌ت به‌ ده‌ست ده‌گات، له‌به‌ر ئه‌وه‌ی به‌ شێوه‌یه‌كی ده‌ستكردن چاو له‌ داواكارییه‌كان ده‌كه‌ین و به‌راوردیان ده‌كه‌ین له‌گه‌ڵ زانیاریی ئه‌ندامان ئه‌و كاته‌ پێویسته‌.

تكایه‌ تێبینی ئه‌وه‌ بكه‌ كه‌ ئه‌م خزمه‌تگووزارییه‌ خزمه‌تگووزارییه‌كی خۆڕاییه‌ و دابین كردنی ئه‌وه‌ ناگه‌یه‌نێت كه‌ وێبچن و هۆستگه‌ قه‌رزاری ئه‌وه‌ن وه‌ك ماڵپه‌ڕێكی كڕدراو كاره‌كانی جێبه‌جێ بكه‌ن.
ئه‌گه‌ر شوێن و تایبه‌تمه‌ندیی ئه‌م خزمه‌تگووزارییه‌ت پێ كه‌م بوو، ده‌توانی له‌ هۆستگه‌ شوێنێكی كڕدراو هه‌ڵبژێریت و ئه‌و كاته‌ هۆستگه‌ كاری گواستنه‌وه‌ی ماڵپه‌ڕه‌كه‌ت به‌ خۆڕا بۆ جێبه‌جێ ده‌كات.

به‌و هیوایه‌ی ئه‌م خزمه‌تگووزارییه‌ سوودی هه‌بێت و كاری ئاسانی بكات بۆ ئه‌ندامانی وێبچن.

www.webchin.org
www.hostge.net