سڵاو ئازیزان


هاوڕێیان زۆر جار دەبینین زۆر بابەت چۆتە ئەرشیڤەوە ڕەنگە زۆر ئەندامان بپرسن بؤچی ؟ زۆر بە کورتی و بە کوردی
تەنها لە بەر ئەوەی خاوەنەکەی بە ئەنقەست یان بێ ئەنقەست نیازی تری لە پشتەوە بووە یان ئایینی یان سیاسی کە هەردوکیان بڤەیە لە وێبچن دا
بەرەو وێبێکی کوردی باشتر لە خۆڕا نەنوسراوە بەڵکو باوەڕی تەواومان بەو دروشمە هەیە هەر وەک چۆن زوربەی ئەندامانی دەستەی بەڕێوبەرایەتی ئەم مەکۆیە ئەندامی ماڵپەڕی زانستپەروەرانی کورد ن بگرە هەندێکیان دەستەی دامەزرێنەریشن ! کە لە وێش دروشمی بە زانست بەهێزین دانراوە واتە ئێمە باوەڕی تەواومان بە زانست هەیە جا گەر  گەر بە زمانی کوردی خۆمان بێت ئەوە زۆر باشتر ! هەر بۆشە ئەم مەکۆیە کۆی کردوینەوە بە بێ هیچ جیاوازیەکی ئایینی، مەزهەبی،خێڵەکی،ناوچەگەرێتی کوردستان، یان  سیاسی بەڵکو تەنها کوردبوون و زانستخوازی نەبێت!

ڕوی دەمم لە کەس نییە ! بەڵام هەست دەکەم ماوەیەکە هەندێ لە ئەندامانی ئازیز بابەت بڵاو دەکەنەوە کە ڕەنگە سودی زۆر بێت بەڵام مەرجی لەگەڵ دادەنێن بۆ نمونە مەرجی ئایینی ! وەک ئێرە مینبەرێکی ئاینی بێت ! ئاخر براکەم کە یاساو ڕیساکانی ئێرەت خوێندبێتەوە زۆر بە ئاشکرا بۆت نوسراوە وە ڕازی بونیشت پیشان داوە کاتێ بویتە ئەندام کە باسی سیاسی و ئایینی لە وێبچندا نییە دەی بۆ خۆت هەڵ دەخەڵەتێنی و بابەت بە مەرج دادەنێت !

سەرتان نەیەشێت وێبچن ئەم وەبیرهێنانەوە دوبارە دەکاتەوە بۆ ئێوەی خۆشەویست

/  هەر بابەتێکی ئایتی کە سودی بۆ خوێنەری کورد هەبێت جێگای خۆشحاڵیمانە.
/  با باتەکە هی خۆت بێت لە مەکۆ یان مـاڵپەڕی کوردی دی نەخوازرابێت و دوبارە نەبوبێتەوە وەک رێزلینانێک بۆ ماندوو بونی وێبە کوردیەکانی دی.
/  مەرج لەگەڵ بابەتەکەت دامەنێ !( مەرجی سیاسی ،ئایینی،کۆمەڵایەتی) ئەو سێ شتە زۆر دوورن لە زانستەوە ! زانست مەرجی نییە تەنها فێربون و پێشکەوتنی مرۆڤایەتی نەبێ.
/  تۆ بابەتی زانستی  خۆت بنوسە ئیتر بەرپرس نیت کێ چۆنی بەکار دێنێ! کێ خراپ بەکاری دێنێ .
/  بەرنامەی شکێندراو و کراک و سیریاڵ جێگای زۆر باشتر هەیە لە وێبچن لێرە کارمان پێی نییە دایمەنێ، مەینوسە !
/ هەمو نازناوێک لە وێبچن وەک یەک هەڵسوکەوتی لەگەڵ دەکرێ و  وەک یەک ڕێزی خۆیان هەیە  دوور کەوە لە تانە و تەشهیر کردن .
/ چاودێر پلەیەکی ئداریە لە وێبچن نەک زانستی یان دەسەڵاتی کە هەموو شتەکان بە دەستی ئەو بێت بەلکو زیاتر چاودێریە لە سەر یاساو ڕێساکانی مەکۆ .
/ چاودێر وەڵامی هەموو پرسیارێکی تۆی پێ نییە! ئێرە بۆیە پێی دەڵێن مەکۆ کە ئەندامان یارمەتی و وەڵامی یەکتر بدەن دەنا گەر تەنها چاودیران یان بەڕیوبەران وەڵامیان لابێت دەی سا  ئیمەڵێک یان بلؤگێک بەسە !!!
/ پرسیار نوسین هونەرە بیرکەرەوە چۆن بینوسی چونکە نیوەی وەڵامە !
/ پرسیار بکە نەک داواکاری واتە شتێک باشی تێناگەی پێوستت بە ڕونکردنەوە هەیە یان بە دوای شتێک دەگەڕێی نایدۆزیتەوە ، پرسیار داواکاری نییە، داواکاری فرمانە فرمانیش دەبێ جێبەجێ بکرێ پرسیار مەرج نییە وەڵامی بدرێ !
/ پەیامی تایبەت بۆ کاری تایبەتە نەک بۆ جارەسەرکردنی کێشەیەک گەر کێشەی ئەندامێك چارە دەکەی كێشەکەو چارەکەی لە مەکۆدا بنوسە بۆ سودی هەمووان دیارە ماندوبونی زیاتری دەوێ دەی سا ئەوە مەبەستی وێبچنە .

ڕێزمان