بەرنامەی RustDesk. بەدیلێکی ناوازەیە  بۆ کۆنترۆڵی ئامێرە دوورەکان وەک Teamviewer یان Anydesk. هەروەها ڕووکارێکی ئاسانی بۆ بەکارهێنان هەیە، وەسەرچاوە کراوەیە و لەتوانایدایە لە یەک کاتدا پەیوەندی بکات لەگەڵ زیاتر لە ئامێرێک لەگەڵ سیستەمی کارپێکردنی جۆراوجۆر پەیوەسبێت یان جۆینبێت. بۆ ئەوەی بتوانرێت داتا و فایلەکان لە نێوان ئامێرە جۆراوجۆرە بەستراوەکاندا لە ڕێگەی RustDesk ەوە بنێردرێت، خۆشبەختانە بۆهەموو جۆرە سیستەمە جیاوازەکان بەردەستە.

ڕوکاری بەرنامەکە:

کلیک لێرە بکە بۆ داگرتنی بەرنامەکە لە وێب سایتی فەرمی:
https://rustdesk.com/

سەرچاوە:
https://garmyanit.blogspot.com/2024/09/ … k.html?m=1

بەڵام لێرەدا ئەبێ لێمان تێک نەچێ کە کاتێ باسی RPM ئەکەی مەبەستمان لە SSD نییە لەبەر ئەوەی هارد درایڤی SSD لەبەر نەبوونی هیچ بەشێکی گوێزەرەوە هیچ RPM ێکیان نییە!!

هەروەها جێگای باسە کە RPM جگە لە هارد درایڤ کار لە خێرایی ئیشکردنی Case Fan و Heat Sink یش ئەکا ، ئەمەش لەکاتێکدا کە هەبوونی RPM ێکی بەرز بۆ بەهێز باوەشێن Fan ی کۆمپیوتەرەکەمان باوەشێنەکە بەشێوەیەکی خێراتر هەوا ئاڵوگۆڕ ئەکا و گەرمیەکی زۆرتر لەسەر یەکەی جێبەجێکار Processor و کۆمپیوتەر دەرەدا ، و هەروەها پێویستە لە مێشکماندا بیهێڵینەوە کە هەرچەند RPM زیاد بکەین دەنگی باوەشێن Fan و یەکەی پێوانی توندی دەنگیش زیاد دەکا.

ئەی چۆن بتوانم پێوانەی توندی خولانەوەی باوەشێن Fan ی کۆمپیوتەرەکەم بکەم؟!

بێگومان لە جیهانی ئەمڕۆماندا لەگەڵ هەبوونی تەکنەلۆژیا و پێشکەوتنی زیاتری بواری نەرمەکاڵا Software پێوانەکردن و تاقیکردنەوەی ڕەقەکاڵا Hardware ــــەکان زۆر ئاسان بووە و هەر بۆ ئەم مەبەستەش ئامرازێکمان هەیە کە ناودەبرێ بە HWMonitor کە هەڵدەستێ بە پێوانەکرنی خێرایی کارکردن و گەرمی هەریەک لە کردارەکانی CPU و پارچەکانی تری کۆمپیوتەر کە چەندان زانیاری گرینچ لەو بارەیەوە ئەخاتەڕوو لەوانە حاڵەتی کارکردنی پاتری و یەکەی چارەسەر و پەستانی کارەبا و پلەی گەرمی پارچەکانی کۆمپیوتەرەکەمان.

هەروەها جیا لەمەش کە هەمان کورتکراوەی RPM لە وەگەڕخەڕی لینۆکسیش بەکار هێندراوە بۆیە نابێ لەگەی یەکتری تێکەڵ بکەن و ئەگەر باس لە RPM ــــی وەگەڕخەڕی لینۆکس بکەن ئەوا ئەتوانین بڵێین کە کورتکراوەی Red Hat Package Managerـــــە کە بریتییە لە پاکێجێک کە بەکاردەهێندرێ بۆ دابەزاندنی پێداویستیەکان لەنێوخۆیی ئینتەرنێتدا و بۆ ئەم مەبەستەش RPM لە نێو لینۆکسدا پاشکری .RPM بەکار دێنێ لە کاتی دروستکردنی هەر پاکێجێکدا وە هەروەها بۆ ئەوانەی کە شارەزاییان لە سیستمەکانی لینۆکس هەیە بە دیاریکراوی بنچینەی Debian ئەتوانم بڵێم کە ئامرازی RPM هەمان ئامرازی dpkg یە کە بۆ دامەزراندنی پێداویستیەکان بەکار دەهێندرێ!!

ئێستا چۆن ئه‌و كاتژمێرانه‌ له‌یه‌كتر ده‌ربكه‌م و بڵێم ئه‌وه‌نده‌ كاری كردووه‌؟

بۆ ئه‌و مه‌به‌سته‌ بۆ ئیش و كاری داتابه‌یسه‌كه‌ به‌رنامه‌ی SQL Server م به‌كارهێناوه‌

تێبینی: كۆدی Sql  ه‌كه‌م ئه‌وێت

سوپاس بۆ هاوكاریتان به‌ڕێزان

كۆكراوه‌ی 1193 فۆنتی كوردیمان بۆتان ئاماده‌ كردوه‌ كه‌ ئه‌توانی بۆ دیزان و نوسینی پۆسته‌كانتان به‌كاری بێنن بۆ كۆمپیته‌ر و لاپتۆپ به‌كاردێت.

بۆ داگرتنی فۆنتەكان كلیك له‌م لینكەی خواره‌وه‌ بكه‌

https://itechkurd.net/up/uploads/itechk … 795961.rar

قەبارە: 39MB

بەڵێ ، بیرکاری ئەو زانستەی کە ساڵەهای ساڵە لە قوتابخانە و زانکۆکان بە شێوازێکی بیزارکەر و ناپێویست ئەخوێندرێ و تەنانەت زۆربەی هەرە زۆری مامۆستاکانی ئەم بوارەش نازانن کە بیرکاری بۆچی گرینگە و تەنیا وەک یاسایەک بۆ پەیداکردنی بژێوی ژیانیان دەرخیان کردووە ، هەر بۆیەش ئەمەی لەم بابەتەدا ئەمەوێ جەختی لەسەر بکەمەوە ئەوەیە کە بیرکاری هۆکاری هەبوونی تەکنەلۆژیای سەردەمە و هەر ئامێرێکی زیرەک کە ئێستا بەکاری دێنین وێڕای مۆبایل و کۆمپیوتەر بگرە ساردکەرەوە و باقی ئامێرە زیرەکەکانی تر و بگرە گشت زمانەکانی پڕۆگرامسازیش بەهۆی بیرکاریەوە پەرەیان پێدراوە بەڵام ئایا چۆن؟!

لێرەدا 4 جۆر لەو زانستە بیرکاریانە باس ئەکەین کە کە بەهۆی بیرکاریەوە پەرەیان پێ دراوە و ئێستاش لە نێو گشت کۆمپیوتەر و ئامێرەکاندا بەکار دەهێندرێن بەبێ ئاگایی بەشێکی هەرە زۆرمان کە بریتین لەمانەی خوارەوە:

1- #Binary #Math
زانستی بیرکاری باینەری کە لەوانەیە زۆربەی هەرە زۆرتان ئاگاتان لەناوەکەی بووبێ و بێگومان ئەوەش ئەزانن کە بە دڵی خستنەگەڕ و کارپێکردنی کۆمپیوتەر ناسراوە و ئەرکی سەرەکی ئەم زانستە لەنێو کۆمپیوتەردا هێماکردنی تەواوی ژمارەکانە و بەکارهێنانی ئەم سیستمە لە نێو کۆمپیوتەرەکاندا دیزایین کردنی کۆمپیوتەری ئاسان کردووە و وای کردووە کە پەیوەندیەکی کۆمەڵایەتی لەنێوان مرۆڤ و کۆمپیوتەر دروست ببێ و هۆکارە بۆ تێگەیشتنی کۆمپیوتەر لە زمانی مرۆڤ ئەمەش بەهۆی سیستەمی ژمارەکانەوەیە کە هەڵدەستێ بە گۆڕینی نوسین و پیتە ئاساییەکان بۆ سەر ژمارەی ئاسایی کە تەنیا لە 0 و 1 پێکهاتووە بۆ ئەوەی کۆمپیوتەر لێیان تێبگا و خوێندنی بەشێک لە فرمانە بیرکاریەکان و بەکارهێنانیان گرنگیەکی زۆری هەیە بۆ پڕۆگرامداڕێژی ڕەقەکاڵای ئاست نزم و زانینی چۆنیەتی بەکارهێنانی سیستمی ژمارەی شەش دەیی Hexadecimal Number System گرنگیەکی زۆری هەیە بۆ بەشێکی زۆر لە فرمانەکانی پڕۆگرامینگProgramming Function بۆ نموونە ڕێکخستنی ڕەنگ بۆ بابەتەکان و بە گشتی لە کردارەکانی کۆکردنەوە و کەمکردن و لێکدان و دابەش و هتد…دا بەکار دەهێندرێ.

2- #College #Algebra
ئەم سیستمە کۆمەڵێ کرداری بیرکاری زۆر گرینگ لەخۆ ئەگرێ بە دیاری کراوی (هاوکێشەی هێڵی ، کردارەکان ، گۆڕاوی سەربەخۆ ، توانەکان ، چەندجارەکان ، هاوکێشەی دووجا ، ڕەگەکان ، کردارە ڕێژەییەکان ، کردارە لاکێشەییەکان ) و بە گشتی جەخت ئەکاتە سەر پەیوەندیە جەبریەکان و ئەو کردارانەی کە قوتابی پێویستە یەکێ لە بەها نادیارەکان بدۆزێتەوە وەک x و y ، ئەی باشە گرنگی جەبر Algebra چییە لە کۆمپیوتەردا؟

لە زانستی کۆمپیوتەردا کردارە جەبریەکان بەکار دەهێندرێن لە گەشەپێدانی لۆگاریتمەکانDevelop Algorithms و گەشەپێدانی نەرمەکاڵاکان بۆ مامەڵەکردن لەگەڵ ئامانجە بیرکاریەکان mathematical objects.

3- #Statistics
ئامارزانی Statistics ئەم بوارە بەکار دێ بۆ هەڵسەنگاندن یان لێکۆلینەوە و پۆلێن کردنی ئامارێک کە زۆر و گەورە بێ و لێکدانەوەی لە ئاست مێشکی مرۆڤدا نەبێ ، ئەتوانین بڵێین ئەم بوارە بیرکاریە لە ژیری دەستکردartificial intelligence کە بە #AI ناسراوە بە چڕی بەکاردەهێندرێ و بۆ تێگەیشتن لەم زانستە پێویستە شارەزاییەکی باشت هەبێ لە کردارە لۆگاریتمیەکان #Algorithms و تایبەتمەندیەکانی ئامار statistical properties لە زانستی کۆمپیوتەردا.

4- #Calculus
ژمێرکاری Calculus لەم ئامارانە بەکار دەهێندرێ کە بە شێوازێکی بەردەوام و بەکاتێکی نادیاردا دەگۆڕدرێن وەک بەهای زێڕ و زیو و دراوە دیجیتاڵی و جیهانیەکان و هتد…. و هەروەها هەڵگری تایبەتمەندیەکانی پێوانی ڕووبەر و لاکێشە و هەروەها داتاشراوەشە ، و شایەنی باسەکە دوو جۆر لە Calculus مان هەیە differential calculus کە مامەڵە لەگەڵ تێکڕای گۆڕانی هێندێکدا دەکا و integral Calculus کە بڕیار لەسەر ئەو هێندە دەدا کە ڕێژەی گۆڕانی زانراوە ، بە شێوەیەکی گشتی Calculus لە زۆربەی شوێنی کۆمپیوتەردا بەکاردەهێندرێ وەکو دروستکردنی هێڵکاری #Graphs & #Visuals و شێوە سازی و لە چارەسەری گرفتەکانی نەرمەواڵەکاندا problem-solving applications و کۆدنوسین لەناو نەرمەواڵەکان Coding In Applications و دروستکردنی چارەسەر بۆ ئامارەکان و دیزاین کردن و شیکردنەوەی لۆگاریتمەکان algorithms و هتد…

ئێستا چی هێشتا پێت وایە بیرکاری هیچ سوودێکی نییە؟!

احسان فەرامەرز - تێک ئای | وێبچن

کورتکراوەی Basic Input/Output System ــــە و بە ( Bye-Oss ) ئەخوێندرێتەوە ، بریتییە لە چیپێکی لە ROM ــــە و لەسەر Motherboard جێگیر کراوە کە یارمەتیت ئەیا نەرمەواڵە Software ی سیستمەکەت بەکار بێنی یان نەرمەواڵەی ت لەسەری جێگیر بکەیت.

باشە چی لەناو BIOS دا جێگیر کراوە؟!

لەنێو BIOS ــــدا کۆمەڵێک فرمانی گرینگ هەن کە یارمەتی بەکارخستنەوەی ڕەقەکاڵاکانی کۆمپیوتەر ئەیەن لە کاتی داگیرساندنی کۆمپیوتەرەکەدا و هەروەها پێش داگیرساندنی کۆمپیوتەر تاقیکردنەوەیەک ئەنجام ئەیا کەناودەبرێ بە POST کە کورتکراوەی Power-On-Self-Test ــــە ئەمەش لەپێناو دڵنیابوونەوە لەوەی کە کۆمپیوتەرەکە ئامادەیە بۆ هەڵگیرسان بە شێوەیەکی تەندروست ، وە ئەگەر هاتوو کۆمپیوتەرەکە لەو تاقیکردنەوەیە دەرنەچوو تۆی بەکارهێنەر گوێت لەکۆمەڵێک دەنگ ئەبێ لەسەر وەزنی Beep کە ئەوە دەرەخات کە بەشێک یان یەکێک لە ڕەقەکاڵاکان بە دروستی کار ناکا یان هەر نەکەوتۆتەوە حاڵەتی کارکردن وە ئەگەر بە تەندروستی ئەو تاقیکردنەوەیەی تێپەڕاند ئەوا تەنیا یەک دەنگی Beep دەرەکا ئەمەش لە پێناو ئاگادارکردنەوەی بەکارهێنەر بۆ نەبوونی کێشە لە ڕەقەکاڵاکاندا بەڵام لە بەشێک لە کۆمپیوتەرەکاندا تەنانەت گەر بە تەندروستیش لە تاقیکردنەوەکەیا دەربچێ دوو دەنگی Beep لە دوای یەکەوە دەرەکا.

ئەی باشە فرمانە سەرەکیەکانی BIOS چین؟!

بایۆس چوار فرمانی گرینگ لەخۆ ئەگرێ کە بریتیین لەمانە خوارەوە:

1- POST:
حاڵەتی پشکنین POST کە هەر وەک لەسەرەوە ئاماژەمان پێ دا بۆ دڵنیابوونەوەیە لەوەی کە هیچ هەڵەیەک نییە بەرلەوەی وەگەڕخەڕ OS ــــەکە بکەوێتە کار.

2- Bootstrap Loader:
لەم فرمانە بەدوای وەگەڕخەڕ OS ــــدا ئەگەڕێ تا ئەوکاتەی کە وەگەڕخەڕە جێگیرکراوەکە ئەدۆزێتەوە و دوای ئەوەی کە وەگەڕخەڕەکەی دۆزیەوە BIOS دەستی بەسەردا ئەگرێ و کۆنتڕۆڵی ئەکا ئینجا بەکارهێنەر ئەتوانێ بەکاری بێنێ.

3- BIOS Drivers:
هەندێ Driver ی ئاست نزم Low-Level هەن کە هەندێ دەسەڵاتێ سنووردار ئەدەنە دەست BIOS بۆ ئەوەی بتوانێ کۆنتڕۆڵی ڕەقەکاڵاکانی کۆمپیوتەرەکەت بکا .

4- BIOS Setup or CMOS Setup:
کۆمەڵێ فرمانی بچوکن کە ڕێگەت پێ ئەیا دەستکاری ڕێکخستنەکانی ڕەقەکاڵاکان و سیستەم بکەیت بۆ نموونە (ڕۆژ ژمێر – کاتژمێر – وشەی نهێنی ….هتد).

ئایا ئەتوانم BIOS نوێبکەمەوە Update & Upgradeــــی بکەم؟!

نوێکردنەوە و بەرزکردنەوەی وەشان و موەسەفاتی BIOS تەنیا بە گۆڕینی BIOS ئەبێ بۆ BIOS ێکی تر بە موەسەفاتی بەرزترەوە.

باشە چۆن بتوانم لە Beep کۆدی BIOS تێبگەم و کێشەکە دیاری بکەم؟!

ئەو دەنگەی لەکاتی کێشەدا دەرەکێ بەپێی درێژی و چەندجارەی دەنگەکە و مارکەی BIOS ــــەکە ئەگۆردرێ ئەمانەی خوارەوە چەند مارکەیەکی جیاوازی BIOS ــــن لەگەڵ ئەو دەنگانەی کە دەری ئەکەن و هۆکاری دەنگەکان:

AMI BIOS Beep Codes:
ئەمانەی خوارەوە درێژی دەنگ و چەندجارەی Beep کۆدی BIOS ــــی AMI ــــە لەگەڵ هۆکاری دەنگەکە:

Beep Codes : هۆکار
Short : DRAM refresh failure.
2 Short : Parity circuit failure.
3 Short : Base 64 K RAM failure.
4 Short : System timer failure.
5 Short : Process failure.
6 Short : Keyboard controller Gate A20 error.
7 Short : Virtual mode exception error.
8 Short : Display memory Read/Write test failure.
9 Short : ROM BIOS checksum failure.
10 Short : How to replace the CMOS battery.
11 Short : Cache memory error.
1 Long/3 Short: Conventional/Extended memory failure.
Two-tone siren : Low CPU fan speed, voltage level issue.

Award BIOS Beep Codes:
ئەمانەی خوارەوەش درێژی دەنگ و چەندجارەی Beep کۆدی BIOS ــــی مارکەی Awad ــــە لەگەڵ هۆکاری دەنگەکە:

Beep Codes : هۆکار
1 Long | 2 Short :
مانای Video Error ئەگەیێنێ واتە BIOS ناتوانێ وێنە لەسەر ڕوونماکە پشان بدا.

1 Long | 3 Short :
مانای ئەوەیە ناتوانێ Video Card بدۆزێتەوا لەوانەیە وا پێوست بکا بیگۆڕیت!

Beeps repeating endlessly :
مانای ئەوەیە کێشەیەک لە RAM ــــدا هەیە.

Repeated high frequency beeps while PC is running:
مانای ئەوەیە (CPU) زۆر گەرم بووە.

Repeated beeps alternating high & low frequency:
دەری ئەخا کە کێشە لە (CPU)ــدا هەیە, لەوانەیە تێک چووبێ.

لە BIOS ی جۆری Award ئەگەر جگە لەوانەی سەرەوە هەڵەی تر هەبوو ئەوکات BIOS دەنگ دەرناکا بەڵکو پەیامێک لەسەر ڕوونماکە بەدەر ئەخا و هەڵەکەت پێ ئەڵێ.

DEEL Beep Codes:
ئەمانەی خوارەوەش گرینگترین درێژی دەنگ و چەندجارەی Beep کۆدی BIOS ــــی مارکەی DEEL ــــە لەگەڵ هۆکاری دەنگەکە:

BEEP Code: هۆکار
1 Beep : BIOS ROM corruption or failure.
2 Beeps : Memory (RAM) not detected.
3 Beeps : Motherboard failure.
4 Beeps : Memory (RAM) failure.
5 Beeps : CMOS battery failure.
6 Beeps : Video card failure.
7 Beeps : Bad processor (CPU).

IBM BIOS Beep Codes:
ئەمانەی خوارەوەش درێژی دەنگ و چەندجارەی Beep کۆدی BIOS ــــی مارکەی IBM ــــە لەگەڵ هۆکاری دەنگەکە:
BEEP Codes : هۆکار

1 Short Beep : Normal POST, computer is ok.
2 Short Beep : POST error, review screen for error code.
Continuous beep : No power, loose card, or short.
1 long and 1 short beep : Motherboard issue.
1 long and 2 short beeps : Video (Mono/CGA display circuitry) issue.
1 long and 3 short beeps : Video (EGA) display circuitry.
3 long beeps : Keyboard or keyboard card error.
1 beep, blank or incorrect display : Video display circuitry.

#Macintosh Startup  Beeps:
ئەمانەی خوارەوەش درێژی دەنگ و چەندجارەی Beep کۆدی BIOS ــــی مارکەی Macintosh ـــە لەگەڵ هۆکاری دەنگەکە:
Beep Codes : هۆکار
Error tone. (two sets of different tones).
مانای ئەوەیە کێشەیەک هەیە لە logic board یان SCSI bus ـــدا.

Startup tone, drive spins, no video.
مانای ئەوەیە کێشەیەک هەیە لە Video Controller ــــدا.
Powers on, no tone.
مانای ئەوەیە کێشەیەک هەیە لە Logic Boardـــدا.

High tone, four higher tones.
مانای ئەوەیە کێشەیەک هەیە لە #SIMM ـــدا.

ئەمانە ڕوونکردنەوەبوون لەسەر کێشەی دەنگی Beep لەگەڵ 5 لە بەناوبانگترین BIOS ــــەکانی کۆمپیوتەر.

احسان فەرامەرز - تێک ئای | وێبچن

کاتێک کە دێینە نێو جیهانی تەکنەلۆژیا بە دیاریکراوی ڕایەڵە #Internet و بە تایبەتی نەرمەواڵە #Software تووشی دوو جۆر خزمەتگوزاری ئەبین کە هیچ کام لە بەکارهێنەرانی ئامێرەزیرەکەکانی وەک مۆبایل و کۆمپیوتەر و تابلێت نییە ڕۆژانە بەکاریان نەهێنێ و لە ڕووەکی ترەوە ئەتوانین بڵێین کە هەر کاتێک دەست لە مۆبایلەکانمان بدەین ئەوا بەبێ ئاگایی خۆمان یەکێک لەو دوو خزمەتگوزاریە بەکار دێنین کە بریتیین لە Thin Client و Thick Client.

باشە جیاوازی نێوانیان چییە؟!

ئەگەر بێین و پێناسەی Thin Client بکەین ئەتوانین بڵێین کە بریتییە لە نەرمەواڵەیەک کە دروست کراوە بۆ گفتوگۆکردن و مامەڵەکردن لەگەڵ ڕاژە #Server ـــەکان و گشت زانیاری #Data ـــاکانی ئەم جۆرە نەرمەواڵەیە لەو ڕاژەیەدا خەزن ئەکرێن کە پێیەوە بەستراوەتەوە چونکە تەواوی خزمەتگوزاریەکانی ئەم نەرمەواڵەیە لەلایەن ڕاژەی دامەزراوەوە دابین کراون و پێویستی بە ڕایەڵە Network ێکی خێرایە بۆ پێشکەشکردنی خزمەتگوزاری بە شێوەیەکی باش و هەر بەم هۆیەشەوە بەبێ هەبوونی ئینتەرنێت زۆربەی هەرە زۆری خزمەتگوزاریەکان لەکار ئەکەون ، نموونەش بۆ ئەم سۆفتوێرە بریتییە لە پلافۆڕمەکانی وەک #Cloud و هەروەها جێی سەرنجە کە ئەم جۆرە نەرمەواڵەیە چەند بەشێکی ئامێرەکە بەکار دێنێ وەکو:
Storage - Power - Memory

وە ئێستا ئەگەر بمانەوێ کە پێناسەیەکی Thick Client بکەین ئەتوانین بڵێین کە بریتییە لە نەرمەواڵەیەک کە خۆی خزمەتگوزاریەکانی خۆی بەڕێوە ئەبا و ئەکرێ پەیوەست بکرێن بە ڕاژەکانەوە بەڵام لە هەمان کاتدا کار ئەکا گەر پەیوەندی بپچڕێ لەگەڵ ڕاژەکەیدا و بەڵام بە پێچەوانەی Thin Client زۆرترین پارچەی ئامێر بەکار ئەبا و تەواوی زانیاری Data ــــاکان لە نێوخۆیی ئامێرەکەدا خەزن ئەکا.

ئێستا با بێین جیاوازی بکەین لە نێوان ئەم دوو نەرمەواڵەیە:

باشترین نموونە بۆ Thin Client بریتیین لە وێبگەڕەکان Web Browsers گەر لە ڕووی خزمەتگوزاریەوە سەیریان بکەین ئەوا وێبگەڕەکان خۆی لە خۆیدا هیچ سوودێکیان نییە گەر پەیوەست نەبین بە ڕایەڵە #Network ێکەوە بەڵام کاتێک پەیوەستی ڕایەڵەیەک ئەبین ئەوا توانایەکی یەکجار چاوەڕوان نەکراویان ئەبێ و توانای پەیوەستبوونیان هەیە بە ڕاژەی وێبسایتەکان و ئەنجام و خزمەتگوزاری هەمەجۆرمان پێشکەش ئەکەن ،

و هەروەها نموونە بۆ Thick Client یش بریتیین لەو نەرمەواڵانەی کە دایئەبەزێنیتە سەر ئامێرەکەت و دوای دەرهێڵ بوونیشت گشت خزمەتگوزاریەکان وەک خۆیان کار ئەکەن ، بۆ نموونە یاریەکی ئەلیکترۆنی تەواوی وزەکەی لە نێوخۆیی ئامێردا بەکار دێنێ بۆ بەرهەم هێنانی گرافیکێکی خێرا و وەڵامدانەوەیەکی ڕوون لەسەر ڕوونمای ئامێرەکە و لەوانەیە وا پێویست بکا کە پەیوەست ببێ بە ڕاژە Server ێکەوە بۆ ئەوەی خزمەتگوزاری پەیوەندی کردن ببەخشێ بە یاریەکە بۆ ئەوەی بتوانیت پەیوەندی بە کەسانی ترەوە بکەی لە نێو یاریەکە هەروەک یاری ئەلیکترۆنی Candy Crush Saga کە هەریەک لە سیستمەکانی:
#Android | #iOS | #Windows | #MacOS
بەردەستە بۆ بەکارهێنان.

احسان فەرامەرز

ڕاژەی Dynamic Host Configuaration Protocol ناوەندێکی بەڕێوەبردنی وەڵامدەر Responsive خێرا Quick خۆکار automatic بەرهەم دێنێ لە نێوخۆیی ڕایەڵە Network ێـــکی دیاریکراو بۆ دابەشکردنی IP Address لەسەر ئەو ئامێرانەی کە کۆنێکتی ئینتەرنێتەکە ئەبن بە شێوازێکی خۆکارانە ، و هەروەها چەندان ئەرکی گرنگی تریش لەخۆ ئەگرێ  لەوانە ڕێکخستنی Subnet Mast و Default Getway و هەروەها لەتوانایدایە زانیاری DNS Server لەسەر کۆمپیوتەر یان هەر جۆرە ئامێرێکی تر ڕێکبخات.

1- فرمانە چالاک و گرینگەکانی DHCP چین؟!

ڕاژەی DHCP لە کۆمەڵەیApplication Layer پۆلێن دەکرێ بۆ TCP Stack کە بە شێوەیەکی بزێو Dynamic ناسمەی ئینتەرنێتیIP Address جێگیر ئەکاتە سەر ئامێری پەیوەست بوو بە Routerــــەوە بە زانیاری جیاوازەوە بۆ هەر DHCP Client ێک.

هەروەها پێویستە ئەوە بزانین کە پڕۆتۆکۆڵی DHCP  ڕاژەی بەکارهێنەرانە واتە Client-Server ـــە ئەمەش واتە ڕاژەی DHCP لە بنەڕەتەوە کۆمەڵێ IP Address ی جیاواز و زانیاری جیاوازی لەخۆ گرتووە بۆ هەر پارامیتەرێکی ڕێکخستن ، وە هەروەها ئەو ئامێرانەی کە پەیوەستی DHCP بوون داواکاریەک ئەنێرن بۆ ڕاژەی DHCP ئەمەش لەپێناو بەدەست هێنان و خوێندنەوەی زانیاری ڕێکخستنی ڕایەلە Network Configuarations Info و پڕۆسەکە بەم شێوەیە ئەبێ:

چەند چرکەیەک دوای پەیوەست بوون بە ڕایەڵەوە ڕاستەوخۆ ئامێرەکە بە شێوەیەکی ئاسایی ڕیزێک زانیاری ئەنێرێ بۆ ڕاژەی DHCP و پاشان ڕاژەی DHCP وڵامی ئامێرەکە ئەداتەوە بە ناردنی زانیاری.

ڕێکخستنی تەواو لەگەڵ IP Address ێک کە لەلایەن بەڕێوەبەرایەتی ڕایەڵەکەوە دیاری کراون و دوای ئەوەی پڕۆسەکە تەواو بوو DHCP سێرڤەر Assignment ــــەکەی خۆی نوێ ئەکاتەوە و پاشان دووبارە ئامێرێکی تر ئەتوانێ هەمان داواکاری بنێرێتەوە و بەو پڕۆسەیەدا بڕوا لێرەدا دوو پڕۆسەی جیاوازی هەیە  کە بە جیا لە خوارەوە باسی ئەکەین.

1- بەڵێننامەی بزێو Dynamic Lease چییە؟!

ئەم پڕۆسەیە یەکێکە لە پڕۆسە هەرە گرینگەکانی DHCP کە بەهۆیەوە بەکارهێنەر پێویست ناکا

خۆی IP Address ێک بنیاد بنێ بەڵکو لەجیاتی ئەوە داوا لە DHCP ئەکا ئەم کارەی بۆ ئەنجام بدا کە ئەم پەیوەندیەش بە بەڵێننامە ناودەبردرێ و وەک قەرزێک وایە کە لەڕێگەی ئەو بەڵێن نامەیەیەوە درابێت بە بەکارهێنەرەکە بۆ ماوەیەکی کورت ، لێرەدا گەر بەکارهێنەرێک بیەوێIP Address ـــەکەی کۆتایی پێبێنێ و داوای دانەیەکی تر بکا لەسەی هەمان ئامێر پێویستە چەند هەنگاوێک ببڕێ ، لە زۆر حاڵەتدا ڕاژەکە هەڵەستێ بە پێدانی IP Address ێکی نوێ هەتا ئەگەر هێشتا IP Addressــــە کۆنەکەش بەکار ببا ، لێرەدا باس لەو هەنگاوانە ئەکەین کە ئامێرەکان دپێدا تێپەڕ دەبن لەکاتی بەستنی بەڵێننامەکەدا:

1- ئامێرەکە IP Address ێکی دەست ئەکەوێ لە ڕێگەی ناردنی داواکاری بۆ ڕاژەی DHCP

2- ئەگەر بێتوو ئامێرەکە IP Address ێکی هەبێت و بیەوێ داوای دانەیەکی تر بکا ئەوا پێویستە پێش داواکردن ئامێرەکەی بکوژێنێتەوە و دایگیرسێنێ بۆ ئەوەی IP Address ـــــە نوێکەی وەرگرێ.

3- لەو کاتەی کە IP Address ـــە نوێکە بە شێوەیەکی سەرکەوتوو چالاک کرا ئامێر/بەکارهێنەرەکە لەو حاڵەتەدا بەڵێننامەیەکی تری پێ دەدرێ لەلایەن DHCP سێرڤەرەوە بە زانیاری ڕێکخستنی نوێترەوە.

4- ئەگەر ئامێرەکە هەوڵی کۆچکردنیدا و ویستی پەیوەستی Router ێکی تر ببێ IP Address ــــەکەی لەکار دەکەوێ و و لە ئەنجامدا داواکاری ئەنێرێ بۆ ڕاژەی DHCP ئەو ڕایەڵە Networkـــەی کە ئەیەوێ پەیوەستی ببێ و IP Address ێکی نوێ وەرەگرێ بە زانیاری ڕێکخستنی ئەو Router ــــە نوێیە.

2- پڕۆسەی DHCP Handshake تەوقەکردن لەگەڵ ڕاژەی DHCP چییە؟!

کاتێک دێینە سەر پڕۆسەی DHCP Handshake ئەم هەنگاوانەی خوارەوە جێبەجێ ئەبن:

1- دۆزینەوە Discover: بەکارهێنەر ڕاژەی DHCP هان دەدا بۆ دۆزینەوەی نامەکە بۆ ناساندنی ڕاژەی DHCP

2- پێشنیار Offer: ڕاژەی DHCP وڵامی داواکاریەکە ئەداتەوە بە IP Address ێک کە بەردەست بێ.

3- داواکاری Request: بەکارهێنەرەکە داوایIP Address ـــەکە دەکا لە ڕاژەی DHCP

4- دان پیانان Acknowledge: ڕاژەکە دان بەوIP Addressــــە نوێیەدا ئەنێ کە تازە جێگیر کراوە بۆ ئامێرێکی دیاری کراو و کۆتایی بە خوولی تەوقەکردن دێنێ.

احسان فەرامەرز

بریتییە لە سۆفتوێرێکی نێو کۆمپیوتەر کە بەتەواوەتی دەست بەسەر هەموو شتێکدا ئەگرێ لە نێوخۆیی کۆمپیوتەردا و کۆنترۆڵی تەواوی کردارە کارەباییەکان ئاکا ، وە ئەگەر پێناسەی kernel بکەین ئەتوانین بڵێین کە "پارچە کۆدێکی #OS ــــە کە هەمیشە لە بیرگەی کۆمپیوتەرەکان جێگیر ئەبێ و ئاسانکاری ئەکا بۆ کارلێکردنی نێوان ڕەقەکاڵاکان #Hardware و نەرمەکاڵاکان #Software دا" و لە زۆربەی هەرە زۆری کۆمپیوتەرەکان لەدوای پڕۆسەی #bootloader ــــەوە Kernel یەکەم نەرمەواڵەیە کە دەست بە کار ئەبێ لەکاتی داگیرساندنی کۆمپیوتەرەکان و چەندان پارچەی پەیوەندی دار بە دایگیرساندنەوە کۆنتڕۆڵ ئەکا وەک #Memory و #Peripherals و هەروەها داواکاریەکانی I/O وەردەگێرێتەوە بۆ سەر شێوازی Data-Processing بۆ ناوەندی Processing-Unit ( #CPU ) و جێگای سەرنجە کە کۆدە گرینگەکانی Kernel بەبەردەوامی دابەش ئەبن بەسەر چەند ناوچەیەکی جیاواز لە بیرگە Memory کۆمپیوتەرەکان و لەوێدا دەست بەکار ئەبن کە پارێزراوە لە دەستبەسەرداگرتنی لەلایەن نەرمەواڵەکانەوە.

هەروەها جێگای باسە کە تەواوی ئەو کردارانەی Kernel ئەنجامیان ئەدا لەنێوان (ڕەقەکاڵاکان و نەرمەکاڵاکان) لە ناوچە جیا جیاکانی بیرگەدا بەجیا دایان ئەنێ ئەمەش لەپێناو پاراستنی زیانیاریەکان لە تێکەڵبوون و خێراتر کردنی ئاستی وڵامدانەوەی CPU بۆ زانیاریە نێردراوەکان.

چەند جۆر لە Kernel مان هەیە؟!

بەگوێرەی OS ــــە جیاوازەکان چەندان جۆر Kernel ـــــی تایبەتمان هەیە بە هەر یەک لە سیستمەکان کە بەناوبانگترینیان ئەمانەیخوارەوەن:

1- #Linux Kernel:
ئەم کێرناڵە تایبەتە بە وەگەڕخەڕی لینۆکس کە لەلایەن Linus Torvalds دامەزرێنەری گشتی بنچینەی لینۆکس لە ساڵی 1991 دامەزراوە و تا ئێستا چەندان وەگەڕخەڕی جیا جیای بەناوبانگی لەسەر بنیاتنراوە لەوانە (#Ubuntu & #Kali & #Fedora & #Arch & #Parrot & #Black #Arch) هتد...

2- #XNU Kernel:
ئەم کێرناڵەش تایبەتە بە وەگەڕخەڕی MacOS# کە لەلایەن کۆمپانیای Apple# ــــەوە گەشەیپێدراوە لە مانگی 9 ی ساڵی 1996 و لە خێزانی Unixــــە و نەرمەواڵەیەکی سەرچاوە کراوەیە Open-Source ـــــە کە بەشێکە لە DarwinOS# کە بنچینەی نەرمەواڵەکانی #AppleTV و #iOS و #iPadOS و #WatchOS و #TvOS ــــە.

3- #Windows Kernel:
ئەم کێرناڵەشیان تایبەتە بە وەگەڕخەڕی ویندۆوس و لە ئاڵۆزترین Kernel ــــەکانە لە ڕووی کارکردنەوە ئەمەش بەهۆی ئەوەی کە وەگەڕخەڕی ویندۆوس خاوەن ڕووکارێکی تەواو جیاواز و بنچینەیەکی خانەخوێی خۆیەتی.

احسان فەرامەرز

=COUNT(A1:A10)

بۆ شێوەى ستونیش ئەبێت بەم شێوەیە بنوسرێت

=COUNT(A1:B1:C1:D1)

٢- گەورەتر و بچوکتر لەو نرخەى خۆت ئەتەوێت لە وینەکەدا دیارە من بچوکترەکانم دیارى کردوە بەم شێوەیە ، بۆ ئاسۆى

=COUNTIF(A1:A10,"<50")

بۆ ستونى

=COUNTIF(A1:B1:C1:D1,"<50")

ئەگەر بشمانەوێت گەورەتر دیارى بکات بەم شێوەیە ئەبێت تەنها گۆڕانکارى لە <   و     >  بکە .

=COUNTIF(A1:A10,">50")

٣- زانینى گەورەتر و بچوکتر لە دوو خانەدا کە چەندین جار ناوەکە دووبارە بێتەوە بتەوێت نرخەکەى بزانیت

=COUNTIFS(A1:A10,"جانتا",B1:B10,"<10")

٤- کۆکردنەوەى ئاسایى

=SUM(B1:B9)

٥- کۆکردنەوەى ئەو شمەکانەى هەمانە لە ناو خانەکان بۆمان کۆ بکاتەوە من لێرە ئەمەوێت بزانم چەند جانتام ماوە

=SUMIF(A1:A9,"جانتا",B1:B9)

ئەم بابەتە بەردەوامى هەیە .

هەروەها بەکاربەر دەتوانیت لەیەک کاتدا ژمارەیەکی زۆر فایلی  iso کۆپی بکات رەستەو خۆی  Ventoy بۆی Bootable دەکات

Ventoy پرۆگرامیکی نوێ و جیاوازە لەوانی دیکە وەک ,WintoUSB,UUByte ISO Editor, Rufus, UNetbootin, Media Creation Tool ,ISOimage چونکە ئەو پرۆگرامەنە تەنها دەتوانن یەک فایلی iso بسوتێنەنە سەر فلاش میمۆری ، واتە ناتوانن ژمارەیەکی زۆر فایلی iso بسوتێننە سەر فلاش میمۆر، بەلام پرۆگرامی Ventoy پشتگیری زیاتر لە ٢٠٠ فایلی iso دەکات لەیەک کاتدە

هەنگاوی بەکار هینانی پرۆگرامی Ventoy
هەنگاوی یەک: داگرتنی پرۆگرامەکە لە مالپەری فەرمی بۆ هەردووسیستەمی window و linux
https://www.ventoy.net/en/index.html
یان راستەو خۆ لێرە دایبگروە
https://github.com/ventoy/Ventoy/releases

هەنگاوی دوو: فلاشیک ببەستەوە کۆمپیوتەرەکەتەوە

هەنگاوی سێ: پاش داگرتن  پرۆگرمەکە دەربێنە لە فایلی zip  و کلیل بکە لەسەر Ventoy2Disk.exe

هەنگاوی چوار: فلاش میمۆریەکە دیاری دەکەین

هەنگاوی پێنج: پاشان کلیک لە دوگمەی Install  دەکەین پرۆگرامی Ventoy دەست دەکات بە کارکردن کەمیک جاوەرێ دەکەین

هەنگاوی حەوت: پاش تەواو بوونی پرۆسەکە، پێوستە فایلە iso کانت کۆپی بکەیت بۆ نێو فلاش میمۆرییەکە ، دەتوانیت ژماریەک زۆر فایلی iso دابنێت لەنیو فلاشەکەت لە یەک کاتدا، بۆنموونە من ویندۆزی ١٠ و ویندۆزی ٨ و وبنتوم کۆپی پەیس copy/past کردوە تا ئامادەی کەم بۆ bootable و بەکاری بێنم بۆ مەبەستی فۆرمات کردن

هەنگاوی هەشت: پاش دانانی فایلەکانی iso لە نێو فلاشەکەمان، ئێستا فلاشەکەمان Bootableە  ئامادەیە بۆ بەکار هێنان بە مەبەستی فۆرمات کردن

هەنگاوی نۆ:ریستات بە کۆمپیوتەرەکەمان دەکەین هەنگاوی فۆرمات کردن جێبەجێ دەکەین،

هەنگاوی کۆتایی: لەم هەنگاوە دەتوانیت بە ئارەزووی خۆت سیستەمیک هەلبژێریت بۆ سەر کۆمپیوتەرەکەت

بە هیوای سوود.

دەمەوێت کۆنتراکتێک، بەڵێننامەیەک لە بەینی ئەو سێ کۆمپانیایەدا دابنێم کە خاوەنداریتی ئەو پەیجە دەکەن تا لە داهاتوودا کەس نەتوانێت کەسێکی تر لە بەڕێوەبردن لابدات. کەس شتێکی وای کردووە پیشت؟