سڵاوتان لێبێت ،

بابه‌ت : دابه‌زاندنی پڕۆگرامۆکه‌ی ناودار Joomla

زۆرێك له‌ ئه‌ندامانی نوێی ژوومله‌ پرسیار ده‌که‌ن له‌مه‌کۆ له‌باره‌ی دابه‌زاندنی پڕۆگرامۆکه‌که‌ ، منیش حه‌زم  کرد بابه‌تێکی وه‌ها ئاماده‌ بکه‌م تاکو که‌مێك له‌داواکارییه‌کانیان که‌م بکه‌مه‌وه‌ .

تێبینی / پێش ئه‌وه‌ی نیازی به‌کارهێنانی ژوومله‌ت هه‌بێت ، Safe Mode له‌ ڕاژه‌که‌ت ده‌بێت ناچالاك بێت به‌ پله‌ی یه‌که‌م ، پاشان ئه‌وانی تر که‌له‌ وێنه‌ی یه‌که‌م ئاماژه‌یان پێدراوه‌ .

داگرتنی پڕۆگرامۆکه‌ی ژوومله‌ ١،٥،١٠ + په‌ڕگه‌ی زمانی کوردی

تێبینی / دواین وه‌شانی ژوومله‌ بریتییه‌ له‌  ٢٠ ، ٥ ، ١  ,  په‌ڕگه‌ی زمانی کوردی له‌گه‌ڵیدا کێشه‌ی نییه‌

١ - پاش داگرتنی پڕۆگرامۆکه‌که‌ ، له‌ناو ڕاڕه‌که‌دا ده‌ری بهێنه‌ و بینێره‌ بۆ ماڵپه‌ره‌که‌ت .

٢- ناونیشانی ماڵپه‌ره‌که‌ت لێبده‌ بۆ نموونه‌ www.mallpereket.com ئه‌گه‌ر له‌ root ی ماڵپه‌ره‌که‌ت دات نابێت ،

ئه‌گه‌ر له‌ناو بوخچه‌یه‌کی جیاوازدا داتناوه‌ به‌م شێوه‌ لێیبده‌ www.mallpereket.com/joomla

له‌ زۆربه‌ی کاتدا پێویست ناکات installation/index.php له‌ دوایه‌وه‌ بنووسی ، خۆ ئه‌گه‌ر ڕاسته‌وخۆ فرمانی دابه‌زاندن نه‌هاته‌ ڕێت ده‌توانی دایبنێی .

٣- سه‌یری وێنه‌که‌ بکه‌

٤-  ئه‌گه‌ر هه‌ر کامیان سوور بوو پێویسته‌ چاکی بکه‌یت ، هه‌ندێکیان به‌ چمۆد گۆڕین چاك ده‌بێت ، هه‌ندکیان تۆ ده‌سه‌ڵات نییه‌ ، ده‌بێت خاوه‌ن کۆمپانیایی ڕاژه‌که‌ت بۆت چاك بکات

٥-  ته‌نها کرته‌ له‌ داهاتوو بکه‌

٦- ناوی خانه‌ خوێ و نازناوی بنکه‌ی دراوه‌ ، تێپه‌ڕه‌وشه‌ ، ناوی بنکه‌ی دراوه‌ له‌ نێو خشته‌کانی لاکێشه‌ سووره‌که‌دا بنووسه‌ ، به‌ وریاییه‌وه‌ .

٧- سه‌ربه‌ستیت له‌ پڕکردنه‌وه‌ی زانیارییه‌کانی ftp ئه‌گه‌ر پێویست بوو .

٨- له‌سه‌ر وێنه‌که‌ ڕوونکردنه‌وه‌م نووسیوه‌ ، به‌ڵام دووباره‌ی ده‌که‌مه‌وه‌ که‌ ده‌بێت کرته‌ له‌سه‌ر دامه‌زراندنی ناوه‌ڕۆکی نموونه‌یی بکرێت و دابه‌زێت ئه‌گینا ناتوانی له‌دابه‌زاندن به‌رده‌وام بیت

٩- ناوت بۆ چوونه‌ ژووره‌وه‌ی به‌ڕێوبه‌رایه‌تی بریتییه‌ له‌ admin ، تێپه‌ڕه‌ وشه‌که‌ت بریتییه‌ له‌و تێپه‌ڕه‌وشه‌ی له‌ هه‌نگاوی ٨ تدا نووسیوته‌ .

تێبینی / ناتوانی بچیته‌ به‌ڕێوبه‌رایه‌تی و لاپه‌ڕه‌ی سه‌ره‌کی ماڵپه‌ره‌که‌ت تاکو بوخچه‌ی  installation نه‌سڕیته‌وه‌ .

تێبینییه‌کی گرنگ

ئه‌گه‌ر له‌هه‌نگاوی کۆتایی دا وه‌ك ئه‌م وێنه‌ی خواره‌وه‌ هات ، ئه‌و کۆدانه‌ی که‌ دراوه‌ بریتییه‌ له‌ زانیارییه‌کانی ماڵپه‌ره‌که‌ت و دابه‌زاندنی ژوومله‌ که‌ ده‌بێت په‌رگه‌یه‌کی به‌تاڵ دروست بکه‌یت به‌ناوی configuration.php پاشان ئه‌و کۆدانه‌ی تیا کۆپی بکه‌ی که‌پێت ده‌درێت له‌هه‌نگاوی کۆتایی دا ، پاشان پاشه‌که‌وتی بکه‌یت و بینێریته‌ root ی ئه‌و شوێنه‌ی ژوومله‌ت تیا بارکردووه‌ .

ببورن من ئه‌م هه‌نگاوه‌م نه‌هاته‌ ڕێ چونکه‌ له‌ لۆکاڵ دامبه‌زاند ، بۆیه‌ به‌ ئینگلیزی بۆم داناون وێنه‌که‌ ، به‌ڵام کێشه‌ نابێت ، هه‌مان شتن .

ده‌توانن لێره‌ش به‌ ڤیدیۆ فێری دابه‌زاندن ببن به‌ زمانی ئینگلیزی

به‌هیوای ئه‌وه‌ی که‌مێك له‌داواکارییه‌کانتانم جێبه‌جێ کردبێت .

له‌ که‌م و کوڕییه‌کان ببورن

کاتێکی خۆش .