بابه‌ت: پێوەکراوی Kurdish Web Fonts بۆ هەموو وەشانەکان (plugin)
تکایە! پێش پرسیار کردن ئەو بابەتە هەمووی بخوێنەوە.
سوپاس.
بیرۆکەیەکی هاوشێوە دەمێك بوو هەمبوو، بەڵام ئێستا سوپاس بۆ خوای گەورە کە توانیم پێوەکراوێك دابڕێژم بۆ هەموو وەشانەکانی جووملە.
سەرەتای ئەو بیرۆکەیە دەگەڕێتەوە بۆ ساڵانی ٢٠١١ و ٢٠١٢ بەڵام لەگەڵ نەبوونی وێب فۆنتی کوردی نەمدەتوانی پێوەکراوەکە بنووسمەوە.
ماوەیەك پێش ئێستا خەریکی کارێك بووم بیکەم کە لەسەر هەموو ئەو ڕووکارانەی کە بە سیستەمی فرەیم وۆڕك (Framework) داڕێژراوون پەڕەیەکی php ڕێكخستن بنووسمەوە وە کاربکات بۆ دەرکەوتنی فۆنتی کوردی، بەڵام کارێکی ئەوەندە ئاسان نەبوو کە بتوانم سەرکەوتووبم هۆکارەکەشی ئەوە بوو کە ئەو سیستەمە هەر داڕێژەرێك بەو شێوەیەی کە خۆی دەیەوێ پەڕەکان دەنووسیتەوە بۆیە زۆر سەخت بوو بۆ ئەنجامدانی کارێکی هاوشێوە.
بەڵام دوای ئەو پڕۆژەی کاك ئاسۆ سەبارەت بە وێب فۆنتی کوردی هەم وێب فۆنتەکان وە هەم فۆنت وەرگێڕ بووە کارئاسانی وە کارەکە بۆم ئاسانتر بوو، بۆیە منیش هەستام بە داڕشتنی ئەو پێوەکراوە.
#******************
***دەربارەی پێوەکراو***
داڕشتنی پێوەکراو: هەڵبەست.
ڕاژەی فۆنتەکان: وێبچن.
ژمارەی فۆنتەکان: لەئێستادا (107) دانەیە - 2013-06-28
ئەو پێوەکراوە ١٠٠% خۆڕایەو بێبەرامبەرە، دەتوانی بەهەر مەبەستێك بەکاری بهێنی.
وێبچن بەڵێن دەدات کە بەهیچ شێوەیەك ئەو ڕاژەیەی کە فۆنتەکانی لەسەرە نەوەستێت، واتە بەکارهێنەر دەتوانێت بەبێ دوو دڵی پێوەکراوەکە بەکاربهێنێت.
ڕاژەی وێبچن سەرچاوەی فۆنتەکانە واتە بەبێ ڕاژەی وێبچن پێوەکراوەکە کار ناکات.
هەموو مافەکانی پارێزراوە بۆ وێبچن.
***بەهیچ شێوەیەك نابێت***
کاری بازرگانی پێ بکرێت
دوو دانە فۆت زیادبکەی لەژێر ناوی خۆت بڵاوی بکەیەوە
ناوی داڕێژەر بسریەوە ناوی خۆت بنووسی لە ماڵپەڕی خۆت یان شوێنێك بڵاوی بکەیەوە
خۆت بکەی بەخاوەنی پێوەکراوەکە
******************#
دامەزراندن بۆ وەشانی 1.5.
دامەزراند و بەکارهێنان و ڕێکخستن بۆ ئەو پێوەکراوە زۆر ئاسانە، سەرەتا لەبەشی بەڕێوەبەرایەتی بڕۆ بۆ Extensions >Install/Uninstall
بە سێ شێوە دەتوانی دایبمەزرێنی، بەڵام ئێمە باس لە دوویان دەکەین.
داگرتنی پەڕگەی پێوەکراوەکە لێرە لە وێبچن بۆ ناو PC پاشان کرتە لە Choose File, Browse بکە دواتر کرتە لە Upload File & Install بکە
یان لە Install from URL تەنها بەستەری پێوەکراوەکە کۆپی بکە لە Install URL دایبنێ و کرتە بکە لە Install
دامەزراندنی وەشانەکانی تر 1.6، 1.7، 2.5، 3.1 هەر وەك یەك وان.
ئەویش هەر وەك وەشانی 1.5 بەسێ شێوە دەتواندرێت دابمەزرێندرێت، بەڵام ئێمە باس لە دوویان دەکەین.
لەبەر ئەوەی ئیستا وەشانی 3.1 دوا وەشانە بۆیە ئیمەش باس لەسەر ئەو وەشانە دەکەین.
لە بەڕێوەبەرایەتی بڕۆ بۆ Extensions >Extension Manager
داگرتنی پەڕگەی پێوەکراوەکە لێرە لە وێبچن بۆ ناو PC پاشان کرتە لە Choose File, Browse بکە دواتر کرتە لە Upload & Install بکە
یان لە Install from URL تەنها بەستەری پێوەکراوەکە کۆپی بکە لە Install URL دایبنێ و کرتە بکە لە Install
من خۆم دامەزراندن بەشێوەی دووەمم پێ پەسند ترە، چونکە هەموو کات دوا وەشان لێرەوە نوێ دەکرێتەوە بۆیە پێویست بەوە ناکات تۆ پێوەکراوەکە دابگریتە ناو PC و پاشەکەوتی بکەی.
سەرنج: لەوەشانی 1.6 بەرەو سەرەوە خۆکارانە لەبەشی بەڕێوەبەرایەتی ئاگاداری نوێکردنەوەی پێوەکراوەکە دەبیت، بەڵام بۆ وەشانی 1.5 کاتێك بچیە ناو پێوەکراوەکە لەوێ ئەگەر نوێکردنەوەی وەشان هەبێت ئاگادارت دەکاتەوە.
شیکردنەوەی ئەو پێوەکراوە بەڤیدیۆ لێرە لە 
ببینە.
ئایا ئەو پێوەکراو و شیکردنەوەت بەدڵە؟ ئەگەر بەڵێ تکایە لە لەکاتی سەیرکردنی ڤیدیۆکە LIKE بکە، سوپاس.
هیوادارم سوودی هەبێت.
هاوپێچەکان.
بۆ وەشانی 1.5
بەستەر:
تکایە تەنها بەستەرەکە کۆپی بکە باشان لە جووملە بەشێوەی Install from URL دایمەزرێنە.
http://www.webchin.org/Meko/files/wf/webchin_webfonts_j15v.1.0.zipبۆ وەشانی 1.6، 1.7، 2.5، 3.1
بەستەر: تکایە تەنها بەستەرەکە کۆپی بکە باشان لە جووملە بەشێوەی Install from URL دایمەزرێنە.
http://www.webchin.org/Meko/files/wf/webchin_webfonts_j25v.1.0.zipپرسیار: پێوەکراوەکە دانەگرم و پاشەکەوتی نەکەم لەلای خۆم؟
وەڵام: نەخێر! چونکە ئەو پێوەکراوە نوێدەکرێتەوە و بەکارهێنەر ئاگادار دەکرێتەوە بۆ نوێکردنەوەی وەشانی نوێ، بۆیە ئەگەر لەلای خۆت پاشەکەوتی بکەی ئەوە دوورنیە کە کارنەکات ئەگەر وەشانی نوێ ئامادەبێت.
2013-06-28 وەشانی ئێستای پێوەکراو 1.0
دوو کۆد فێردەبێ دەڵێ هەر خۆم وەستامە. *هەڵبەست / شارەکەم هەولێر بە 3D ببینە! / بەرهەمی نوێ 2014.11.04 COD Advanced Warfare
وێبچین به‌ره‌و وێبێكى باشتر 