یەکێک لە ئەو ماڵپەڕانەی کە بۆ بەڕێوەبردن پشتی بە CuteNews RU بەستبوو و پاش ماوەیەک لە بابەت نووسین و بەناوبانگ بوون (پاش گەیشتن بە ٥ هەزار بابەت) و ٢٠ هەزار Page Views لە ڕۆژێکدا، پەڕەکان ڕۆژ دوای ڕۆژ خاودەبوونەوە و لە کۆتاییدا گەیشتە ئاستێک کە کردنەوەی ماڵپەڕەکە لە زۆربەی کاتەکاندا ٢٠ چرکەی پێویست دەبوو.

پاش لێکۆڵینەوە و وردەکاریی دەرکەوت کە کێشەکە دەگەڕێتەوە بۆ شێوازی نووسینی کۆدەکانی پەیوەندیدار بە MySQL لە پرۆگرامۆکەی ناوبراو کە بە شێوەیەکی هەڵە داڕێژراون و Load ی زۆر درووست دەکەن بۆ ڕاژەکار/سێرڤەری MySQL.

کێشەکان لەوەدا خۆیان دەگرنەوە کە بۆ لیست کردنی بابەتەکانی هەر هاوپۆلێک CuteNews RU پێویستی بە سکانکردنی هەموو Table ـەکە دەبوو بە شێوەیەک کە هاوپۆلەکانی بەراورد دەکرد لەگەڵ ئەو ژمارانەی کە بوونیان نییە. ئەمەش هەڵەیە، باشتر وایە بە پێچەوانەوە بێت. لە هەمان کاتدا Index بۆ ژمارەی هاوپۆلەکان درووست بکرێت، ئەم Index ـە هاوکاری باش دەکات لە کاتێکدا بابەتێک لە یەک هاوپۆلدا بڵاو کرابێتەوە.

جا بۆ پەڕەیەک بە تایبەت پەڕەی سەرەتای ماڵپەڕێک کە دەیان هاوپۆلی لە خۆ گرتبێت CuteNews RU هەمان پرۆسەی بۆ هەر هاوپۆلێک دووبارە دەکاتەوە و لەگەڵ زۆربوونی ژمارەی بابەتەکان، کاتی پێویست بۆ سکانکردن زۆرتر دەبێت و دەبێتە هۆکاری خاوبوونەوەی ماڵپەڕ.

کێشەیەکی دیکەش ئەوەیە پەیوەندییەکان لەگەڵ ڕاژەکاری MySQL داناخرێن پاش کرانەوەی پەڕە، ئەوەش وا دەکات کە بە شێوەیەکی خێرا و زوو ژمارەی پەیوەندییەکان max_connections پڕ بێت و ماڵپەڕ توانای درووستکردنی پەیوەندی زۆرتری نەبێت.

چارەسەریی،
باشترین چارەسەر ئەوەیە کە لە پەڕەی سەرەتا بە فرمانی ئاسایی MySQL Select هەواڵەکان بانگ بکرێن و بۆ خۆت ئەو زانیارییانە بانگ بکەیت کە پێویستن، بۆ نموونە بۆ بانگکردنی هەواڵ/بابەتەکانی هاوپۆلی ژمارە ٥٠ پێویست بە نووسینی فرمانی خوارەوە دەکات،

$news = mysql_query("SELECT id, title, avatar FROM news WHERE category LIKE '%50%' order by id DESC LIMIT 5");
    while($row = mysql_fetch_array($news))
    {
    echo'
    <div class="news">
<img src="'.$row['avatar'].'" alt="'.$row['title'].'" />
<h1 class="news-header">
<a href="index.php?id='.$row['id'].'">'.$row['title'].'</a>
</h1>
</div>
        ';
    }

کە زۆر خێراتر کارەکان جێبەجێ دەکات بە بەراورد لەگەڵ فرمانەکانی CuteNews RU.

لە کۆتایی پەڕەی سەرەتادا پەیوەندیی بۆ بنکەی دراوە دابخە بە شێوەیەک کە ژمارەی max_connection زوو پڕ نەبێت،

<?php
mysql_close($connection);
?>

ئەگەر ماڵپەڕەکەت خاو نییە و لە ئەم بابەتە تێناگەیت، واتە کێشەت نییە، بیری لێ مەکەوە.