باشتر ده‌بوو ئه‌گه‌ر وێنه‌یه‌ک له‌ کێشه‌که‌ت ببینین لۆ ئه‌وه‌ی بتوانین باشتر یارمه‌تیت بده‌ین

سڵاو بەڕێز،
لەبارەی ڕووکاری ماڵپەڕەکەوە وەک دەبینم ڕووکاری باوان بەکاردەبەیت، باشترین کار کە بیکەیت ئەوەیە کە هەرگیز ئەو گۆڕانکارییانەی کە ئەنجامی دەدەیت لەسەر ڕووکاری باوان نەیکەیت، چونکە لەکاتی بەڕۆژکردنەوەدا لەدەستیان دەدەیت، پێویستە سوود لە ڕووکاری وەچە وەربگریت تا گۆڕانکاری و داخوازییەکانتی لەسەر جێبەجێ بکەیت، هەروەها لە هەموو بارودۆخەکاندا پێش ئەنجامدانی هەرشتێک پێویستە پاڵپشتیت هەبێت لە پەڕگەکانت و بنکەدراوەکەت گرتبێتەوە، تا لەکاتی بوونی کێشەدا بە خێرایی بگەڕێیتەوە، هەروەها باشترە هەموو گۆڕانکارییەک لە ژینگەی دەرەوەی ماڵپەڕەکەت بکەیت، واتە لەبەرگیراوەیەکی ماڵپەڕەکە لە ژینگەیەکی تردا، بەشێکی زۆری ڕاژەکان ئەو خزمەتگوزارییەیان بە خۆڕایی هەیە.
سەبارەت بەوەی دەڵێیت ماڵپەڕەکە خاوە وەک دەبینم لە Unified Layer ت داناوە، کۆمپانیاکانی EIG وەکو بلوهۆست و هۆستگەیتەر و هاوەڵەکانیان بەکاری دەبەن، لە ڕاستیدا ئەو ڕاژانە هیچ بۆ درووستکردنی ماڵپەڕی بازرگانی ئەلیکترۆنی ناشێن، بەڵام جگە لەوەش ڕووکاری ماڵپەڕەکە پێویستی بە چاکسازییە و دەبێت سوکەڵە بکرێت و هەروەها چەند کارێکی تر دەبێت لە ڕاژەکەدا بکرێت دەتوانیت لێرە کێشەکانت ببینیت https://gtmetrix.com/reports/tdkala.com/OZKzR2JI/
دوو پێوەکراوی درووستکردنی لاپەڕەت داناوە WPBakery و Elementor ڕووکارەکەت سوودی لەکامەیەن وەرگرتووە ئەوە بهێڵەرەوە و ئەوەی تر بسڕەوە.
بژین