سڵاو، خۆی ئیشی ئەو توڵە خێرایی بونەوەی ماڵپەڕەکەتە نەک بڵێین تەنیا بۆ ئەوەیە لە گوگڵ دەربکەوێت، بەڵام یەکێک لە فاکتەرەکانە کە گوگڵ بەزویی ماڵپەڕەکەت ئیندێکس دەکات و لەخۆ دەگرێت، پێوەکراو تاکە هۆکار نییە بۆ خاو بونەوەی ماڵپەڕەکەت، مەسەلەی ڕێکخستنەکانی پەڕگەکانی پەیوەست بەکاش، نموونە بەستنەوەی بە کلاودفلەیەر کە خۆی کاشینگی تایبەتی هەیە، بچوکردنەوەی پەڕگەکانی (js,css,html) کە کلاودفلەیەر ئەوکارەت بۆ دەکات کە پەڕگەکانت دەبن بە یەک دێڕ، مەسەلەی ئۆپتمایزکردنی وێنە نموونە TinyPNG.com کە پێوەکراوی تایبەتی هەیە و پلانی خۆڕایشی هەیە، من خۆم https://wordpress.org/plugins/fast-velocity-minify/ بەکاردێنم وەک زیادکراو کە ستراتیژێکی زۆر ڕێکی هەیە بۆ جێبەجێکردنی ئەو پڕۆسەیە، وە Yoast بۆ ڕێکخستنی مەسەلەی Meta Tag و نەخشەی ماڵپەڕ.
وەک ئەبینیت مەسەلەکە پێوەکراوێک نییە و بەس پێویستە زۆری لەسەر بخوێنیتەوە و ئەزمون بکەیت تا دەگەیت بە دەرەنجامێکی باش و گونجاو.

کلاود فلەیەر https://www.cloudflare.com/
تۆڕێکی گەورەی وێبە کە چەندین خزمەتگوزاری خۆڕایی و بەپارە پێشکەش دەکات، بەبڕوای من لەمڕۆدا هەموو ماڵپەڕێک پێویستە بەکاری بهێنێت، لەو خزمەتگوزاریانەی کە پێشکەشی دەکات لەوانە سودی هەیە بۆ بەهێزکردنی لایەنی پاراستنی ماڵپەڕەکەت، بەشاردنەوەی ئای پیەکەت و پێدانی Https بەخۆڕایی، کرداری کاش، بچوککردنەوەی پەڕگەکان، بەرپەچدانەوەی هێرشەکانی DDOS، زۆر شتی تر هەموو ئەمانە بەخۆڕایی گەر بێت و پارە بدەیت بێگومان باشترە.

چۆن بەکاری بهێنیت؟
کردارەکە ئاسانە پێویستە هەژمارێک دروست بکەیت، دواتر ماڵپەڕەکەت زیاد دەکەیت و پێویستە DNS لەو شوێنەی کە دۆمەینەکەت لێکڕیوە بگۆڕیت بۆ ئەوەی کلاودفلەیەر پێتی دەدات و پاش ماوەیەکی کورت کردارەکە تەواو دەبێت.
بەڵام پێشنیاز دەکەم لەسەری بخوێنیتەوە و لە یوتیوب هەندێک فێرکاری لەسەر وەربگریت نەوەک توشی کێشەبیت چونکە لەگەڵ گۆڕینی DNS ماڵپەڕەکەت ماوەیەک دەوەستێ ئیتر هەر هەڵەیەک ئەنجام بدەیت، وەستانەکە درێژە دەکێشێت.
ئیتر گەر بەسەرکەوتویی بەیەکەوە بەسترایەوە بڕۆ Speed -> Optimization ئەمانە چالاک بکە لە Auto Minify  (JavaScript,CSS,HTML).
وە زۆر شتی تر لەگەڵ خوێندنەوە لەسەری دەزانیت.

بەڵێ، بەپێی ئەو شوێنەی دۆمەینەکەت لێکڕیوە، من خۆم نەیم چیپ بەکاردێنم زۆر بەخێرایی پڕۆسەکە ئەنجام دەدات.

ئەزمونم لەگەڵ هیچیان نییە، بۆ ئیشەکانی خۆم سێرڤەری تایبەتی خۆم بەکاردێنم (VPS) وە دەسەڵاتی تەواوەتیم هەیە بەسەریدا، ئەوانە زیاتر ڕیسیلەرن تەنیا ئیشی فرۆشتنەوە ئەکەن بۆ لایەنی سێیەم زۆرێکیان وان...
بۆیە چی زوو تایبەت بەخۆت بگریت لەهەموو سەرئێشەیەک نەجاتت ئەبێت چونکە ئەوانە سنوردارکردنی زۆریان هەیە و لەحاڵەتی بونی کێشە ماوەیەکی زۆری دەوێت چونکە ئەوانەی بەحساب بەتۆی دەفرۆشن هیچ دەسەڵاتێکیان نیە بەسەریدا تەنیا فرۆشتنەوەی نەبێت، ئەوانەیشی کورد دابینی ئەکەن زۆری لەو جۆرەن کەباسم کرد نمونەش زۆرە کە ئەوانەی شتیان لاکڕیون زۆرێکیان بونە فیلم بەدەستیانەوە.
سەبارەت بەماڵپەڕی دووەم زانیاریم لەسەری نییە.
بەڵام گەر ماڵپەڕەکەت سادەیە و سەردانێکی زۆرت نیە ئەوە باشترە لای ئەوان بیکریت.
ئەمما سەردانت زۆربێت ناچاری ڕاژەی تایبەت بەخۆت دابین بکەیت کە ئەوەش شارەزایی پێویستە.

سەرکەوتوبن، بۆ سەردان و ئەندامی کەم و سەرەتای ماڵپەڕەکە باوەڕناکەم کێشەی هەبێت.

بژین.