سڵاو،
منیش وەک ئەزمونی کارکردنم لەگەڵ وۆردپرێس کۆمەڵێکی جیاواز پێوەکراوم بەکارهێناوە یەک لەوانەش کە باست کرد (WP Fastest Cache) ماوەیەکی زۆر بەکارم هێناوە، بەڵام بەبڕوا و ئەزمونی من لەگەڵ وۆردپرێس (Fast Velocity Minify) باشترین بژاردە بووە بۆمن، ئەویش لەبە باشی ستراتیژی ئیشکردنی کە بەجۆرێکە هەموو پەڕگەکانت بۆ دەکات بەیەک دانە، بەنموونە ١٠ پەڕگەی CSSـت هەیە لەگەڵ ٥ پەڕگەی JS ئەو دێت گشتیت بۆ دەکات بە ٢ دانە جیا لە کۆمپرێس و زۆر کرداری تر، شایەنی تاقیکردنەوەیە.
نژیت.

سڵاو بەڕێزان،
ئەگەر مەسەلە خاوی کردنەوەیە، ئەوە دەیان هۆکار هەیە. دەتوانی لەڕێگەی traceroute بزانیت، ئایا هۆکارەکان بەنزیکەیی لە کوێن. لە ڕاژەی خۆتدا گرنگە DNS لە شێوەی دامەزراندنی PHP بۆ وۆردپرێس تەواو دەستکاری بکەیت.

بژین

توڵئامرازی traceroute بەکاردێت بۆ ئەزموونی پەیوەندی تۆ و راژەکە. بەدەر لە وۆردپرێس دەتوانی ببینی کوێی تر خاوە و لاوازە.دامەزراندنی php بە cgi و راژەخوازێکی سووکەڵە وەکو lighttpd دەتوانێت رۆڵی گەورە ببینێت، هەروەها کەمکردنەوەی پێوەکراو و ڕووکاری پڕ لە سکریپت و وێنە و سلایدشۆی ناپێویست.

ئەگەر ڕاژەکە هی خۆتان بێت یا دەسەڵاتی دامەزراندن و root هەبێت، پڕ نێت لە فێرکاری باشە!